രാജു വേലംകാല: സ്‌കോട്ട്‌ലണ്ടില്‍ യാക്കോബായാ സുറിയാനി സഭയുടെ പീഡാനുഭവവാരം ആചരിക്കുന്ന ഏകദേവാലയമായ അബര്‍ഡീന്‍ സെന്റ് ജോര്‍ജ്യാക്കോബായാസുറിയാനി ഓര്‍ത്തഡോക്‌സ് പള്ളിയില്‍ മുന്‍ വര്‍ഷങ്ങളില്‍ നടത്തിവന്നിരുന്നതുപോലെ ഈ വര്‍ഷവും മാര്‍ച്ച് 19 ശനിയാഴ്ച മുതല്‍ മാര്‍ച്ച് 26 ശനിയാഴ്ച വരെ യേശുക്രിസ്തുവിന്റെ പീഡാനുഭവവാരം അബര്‍ഡീന്‍ മസ്ട്രിക്ക് ഡ്രൈവിലുള്ള സെന്റ് ക്ലെമെന്റ്‌സ് എപ്പിസ്‌കോപ്പല്‍ പള്ളിയില്‍ .
19ന് വൈകുന്നേരം 6 മണിക്കു സണ്‍ഡേ സ്‌കൂള്‍ തുടര്‍ന്നു 7 മണിക്കു സന്ധ്യാ പ്രാര്‍ത്ഥനയും. മാര്‍ച്ച് 20 ഞായറാഴ്ച സെന്റ് ക്ലെമെന്റ്‌സ് എപ്പിസ്‌കോപ്പല്‍ പള്ളിയില്‍ രാവിലെ 11.45ന്പ്രഭാതനമസ്‌കാരവുംഇസ്രായേലിന്റെ രാജാവായി കര്‍ത്താവിന്റെ നാമത്തില്‍ വരുന്നവന്‍ വാഴ്ത്തപ്പെട്ടവനകുന്നു, സ്വര്‍ഗ്ഗത്തില്‍ സമാധാനം ഉന്നതങ്ങളില്‍ സ്തുതി അത്യുന്നതങ്ങളില്‍ ഓശന ദാവിദിന്റെ പുത്രന് ഓശന’എന്നു ആര്‍ത്തു പാടുന്ന പ്രദക്ഷിണവും, കുരുത്തോല വാഴ്ത്തല്‍ ശുശ്രുഷകളും കുരുത്തോല വിതരണവും
തുടര്‍ന്നു റവ. ഫാ. ജെയിംസ് കുര്യന്‍ മുഖ്യകര്‍മ്മികത്വത്തില്‍ വി. കുര്‍ബാനയും അനുഗ്രഹ പ്രഭാഷണം, ആശിര്‍വാദം എന്നിവ ഉണ്ടായിക്കും.
മാര്‍ച്ച് 21, 22 തിയതികളില്‍ വൈകുന്നേരം 6 മണിക്കു സന്ധ്യാ പ്രാര്‍ത്ഥനയും സുവിശേഷ പ്രസംഗവും ധ്യാനവും ഉണ്ടായിരിക്കും. മാര്‍ച്ച് 23 ബുധനാഴ്ച വൈകുന്നേരം 4 മുതല്‍ സെന്റ് ക്ലെമെന്റ്‌സ് എപ്പിസ്‌കോപ്പല്‍ പള്ളിയില്‍ കുമ്പസാരവും 6 മണിക്കു സന്ധ്യാ പ്രാര്‍ത്ഥനയും, പെസഹയുടെ ശുശ്രുഷകളും പെസഹകുര്‍ബാനയും അപ്പം മുറിക്കലും ഉണ്ടായിരിക്കും.
മാര്‍ച്ച് 24 വ്യഴാഴ്ച വൈകുന്നേരം 6 മണിക്കു സന്ധ്യാ പ്രാര്‍ത്ഥനയും മാര്‍ച്ച് 25 വെള്ളിയാഴ്ച രാവിലെ 7 ന് പ്രഭാത നമസ്‌കാരവും, ദൈവ മാതാവിന്റെ വചനിപ്പു പെരുന്നാള്‍ പ്രത്യേക വി.കുര്‍ബാനയും, തുടര്‍ന്നു സ്ലീബാ ആരാധനയുടെ പ്രത്യേക ശുശ്രുഷ, സ്ലീബാവന്ദനം, സ്ലീബാ ആഘോഷം, കബറടക്ക ശുശ്രുഷ തുടര്‍ന്നു നമ്മുടെ കര്‍ത്താവിനെ ആക്ഷേപിച്ചു ചൊറുക്ക കൊടുത്തതിനെ അനുസ്മരിച്ചു കൊണ്ടു വിശ്വാസികള്‍ ചൊറുക്കാ കുടിച്ചു ദുഃഖവെള്ളിയുടെ ശുശ്രുഷകള്‍ അവസാനിക്കും.
നമ്മുടെ കര്‍ത്താവിന്റെ മഹത്വകരമായ ഉയര്‍പ്പുപെരുന്നാള്‍ മാര്‍ച്ച്26ന് വൈകുന്നേരം 6 മണിക്കു സന്ധ്യാപ്രാര്‍ത്ഥനയും തുടര്‍ന്നു ‘നിങ്ങള്‍ ഭയപ്പെടേണ്ടാ, കുരിശില്‍ തറയ്ക്കപ്പെട്ട യേശു തമ്പുരാന്‍ അവന്‍ പറഞ്ഞ പ്രകാരം ഉയിര്‍ത്തെഴുന്നെറ്റു എന്നാ പ്രഖ്യാപനം, ഉയര്‍പ്പുപെരുന്നാളിന്റെ പ്രത്യേക ശുശ്രുഷകളും, വി.കുര്‍ബാനയും, സ്ലീബാ ആഘോഷം, സ്‌നേഹ വിരുന്നോടുകൂടി ഈ വര്‍ഷത്തെ പീഡാനുഭവവാരം അവസാനിക്കും.
കഷ്ടാനുഭവ ആചരണത്തിന്റെ എല്ലാ ശുശ്രുഷകളിലും വി.കുര്‍ബാനയിലും കുടുംബ സമേതം വന്നു സംബന്ധിച്ചു അനുഗ്രഹിതരാകാന്‍ സ്‌കോട്ട്‌ലണ്ടിലും അബര്‍ഡീന്റെ പരിസരപ്രദേശങ്ങളിലും ഉള്ള എല്ലാ സുറിയാനി ക്രിസ്ത്യാനികളെയും കതൃനാമത്തില്‍ സ്വാഗതം ചെയ്യുന്നു. പീഡാനുഭവവാരം ശുശ്രുഷകള്‍ക്കു ഫാ: ജെയിംസ് കുര്യന്‍ നേത്രുത്വം നല്‍കും.
പള്ളിയുടെ വിലാസം: St. Clements Episcopal Church, Mastrick Drive,
AB166UF, Aberdeen, Scotland, UK
കുടുതല്‍ വിവരങ്ങള്‍ക്ക്:
വികാരി റവ. ഡോ. ബിജി ചിറത്താലാട്ട് 07460235878
സഹ വികാരി റവ ഫാ: ഫിലിപ്പ് തോമസ് 07474419426
സെക്രട്ടറി രാജു വേലംകാല 07789411249, 01224 680500
ട്രഷറാര്‍ ജോണ്‍ വര്‍ഗീസ് 07737783234,01224 467104
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല