സ്വന്തം ലേഖകന്‍: മോക്കാ മോക്കാ, ടിവി അവതാരകനോട് തട്ടിക്കയറി പാക് ബോളര്‍ ഷുഹൈബ് അക്തര്‍. ട്വൊന്റി20 ലോകകപ്പില്‍ ഇന്ത്യ പാകിസ്താനെ തകര്‍ത്തു വിട്ടതിനു തൊട്ടുപുറകെയായിരുന്നു പ്രമുഖ ചാനലിന്റെ ഷോയില്‍ അതിഥിയായി എത്തിയ അഫ്രീദിയുടെ പ്രകടനം. പാകിസ്താന്റെ തോല്‍വിയെ കളിയാക്കുന്ന മോക്കാ മോക്കാ പരസ്യത്തിന്റെ ശബ്ദം പരിപാടിയുടെ പശ്ചാത്തലത്തില്‍ കേള്‍പ്പിച്ചതാണ് അക്തറിനെ പ്രകോപിപ്പിച്ചത്. പരിപാടിയുടെ അവതാരകനായ ജതിന്‍ സപ്രുവിനോടാണ് അക്തര്‍ ദേഷ്യപ്പെട്ടത്. മോക്ക മോക്ക പരസ്യ ഗാനം എത്തിയപ്പോള്‍ സപ്രു ചിരിച്ചതോടെ അക്തര്‍ ചൂടാവുകയായിരുന്നു. താന്‍ ഇവിടെ എത്തിയിരിക്കുന്നത് മത്സരം വിലയിരുത്താനാണ്. അല്ലാതെ തമാശ ഉണ്ടാക്കാനല്ല അക്തര്‍ പറഞ്ഞു. നിങ്ങള്‍ ഇവിടെ വന്നിരിക്കുന്നത് എന്നോട് ചോദ്യം ചോദിക്കാനാണോ അതോ അധിക്ഷേപിക്കാനാണോ എന്ന് അക്തര്‍ സപ്രുവിനോട് ചോദിച്ചു. അക്തറിനൊപ്പം കപില്‍ ദേവും അതിഥിയായി എത്തിയിരുന്നു. ഉടന്‍ തന്നെ പ്രശ്‌നത്തില്‍ ഇടപെട്ട കപില്‍ അക്തറിന് സാധാരണ നിലയിലേക്കെത്താന്‍ കുറച്ച് സമയം നല്‍കാന്‍ സപ്രുവിനോട് ആവശ്യപ്പെട്ടതോടെ രംഗം തണുക്കുകയായിരുന്നു.
Saturday, November 23, 2024 23:01:43 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല