സ്വന്തം ലേഖകന്‍: ബ്രസല്‍സില്‍ സ്‌ഫോടനം, അര്‍ജന്റീനയില്‍ ഒബാമയുടെ ടാങ്കോ നൃത്തം, അമേരിക്കന്‍ പ്രസിഡന്റിനെതിരെ രൂക്ഷ വിമര്‍ശനം. ബ്രസല്‍സ് ദുരന്തത്തില്‍ നിരവധി അമേരിക്കക്കാര്‍ കൊല്ലപ്പെട്ടപ്പോള്‍ ഒബാമ അര്‍ജന്റീനയില്‍ ടാങ്കോ നൃത്തം ചെയ്തു കളിക്കുന്നുവെന്നാണ് അമേരിക്കന്‍ മാധ്യമങ്ങളില്‍ വിമര്‍ശര്‍ കുറ്റപ്പെടുത്തുന്നത്. ക്യൂബന്‍ സന്ദര്‍ശനത്തിന് ശേഷം ബ്രസല്‍സ് ആക്രമണത്തിന്റെ പശ്ചാത്തലത്തില്‍ അര്‍ജന്റീന സന്ദര്‍ശനം റദ്ദാക്കി മടങ്ങിവരണമെന്ന ആവശ്യം നിരാകരിച്ച ഒബാമ അര്‍ജന്റീനയില്‍ എത്തുകയായിരുന്നു. രാജ്യത്തിന്റെ പുതിയ ഭരണാധികാരി മൊറിഷിയൊ മക്രിയുമായി കൂടിക്കാഴ്ച നടത്തുന്നതിനാണ് അദ്ദേഹം അര്‍ജന്റീനയില്‍ ഇറങ്ങിയത്. സന്ദര്‍ശനത്തിനിടെ ഒബായ്ക്കും മിഷേലിനുമായി ഒരുക്കിയ പ്രത്യേക വിരുന്നിലാണ് അദ്ദേഹം ടോങ്കോ നൃത്തം ചെയ്തത്. ഒപ്പം നൃത്തം ചെയ്യാനുള്ള നര്‍ത്തകിയുടെ ആവശ്യം ആദ്യം നിരസിച്ചെങ്കിലും പിന്നീട് അദ്ദേഹം സ്വീകരിച്ചു. ഒബാമ നര്‍ത്തകിയായ യുവതിക്കൊപ്പവും മിഷേല്‍ നര്‍ത്തകനായ യുവാവിനൊപ്പവും ടോങ്കോ നൃത്തം ചെയ്യുന്നതിന്റെ ദൃശ്യങ്ങള്‍ സമൂഹമാധ്യമങ്ങള്‍ ഏറ്റെടുക്കയും ചെയ്തു.
Saturday, November 23, 2024 23:24:41 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല