സ്വന്തം ലേഖകന്‍: ഓസ്‌ട്രേലിയയെ കൊന്നു കൊലവിളിച്ച് പുതിയ മോക്കാ മോക്കാ പരസ്യമെത്തി. ട്വന്റി20 ലോകകപ്പിലെ നിര്‍ണായക പോരാട്ടത്തില്‍ ഇന്ത്യയെ നേരിടാന്‍ ഒരുങ്ങുന്ന ഓസ്‌ട്രേലിയയെ രൂക്ഷമായി പരിഹസിക്കുന്നതാണ് പുതിയ മോക്കാ മോക്കാ പരസ്യം. ട്വന്റി20 ലോകകപ്പ് കിരീടം സ്വപ്നം കാണുന്ന ഓസീസ് ആരാധകനെ പാകിസ്താന്റെയും ബംഗ്ലാദേശിന്റെയും ആരാധകര്‍ കണക്കിന് കളിയാക്കുന്നതാണ് വീഡിയോയിലുള്ളത്. ലോകകപ്പില്‍ നിന്ന് നേരത്തെ തന്നെ പുറത്തുപോയ പാക്കിസ്താനിയും ബംഗ്ലാദേശിയും നാട്ടിലേക്ക് ടിക്കറ്റ് ബുക്ക് ചെയ്യുമ്പോള്‍ ഓസ്‌ട്രേലിയക്കാരനോടും കൂടെ ടിക്കറ്റ് ബുക്ക് ചെയ്യാന്‍ പറയുന്ന രീതിയിലാണ് പരസ്യത്തിലെ പരിഹാസം. മത്സരങ്ങള്‍ക്ക് മുമ്പായി പുറത്തിറങ്ങുന്ന മോക്കാ മോക്കാ പരസ്യങ്ങള്‍ ഏവരുടെയും ശ്രദ്ധപിടിച്ചു പറ്റുന്ന ഒന്നായിരുന്നു. പാകിസ്താനായിരുന്നു മോക്ക മോക്കയുടെ ആദ്യകാല ഇരകള്‍. പാക് ആരാധകരെ പോലും പൊട്ടിച്ചിരിപ്പിച്ച നിരവധി പരസ്യങ്ങള്‍ക്കു ശേഷമാണ് മോക്ക മോക്ക ഓസ്‌ട്രേലിയയെ പിടികൂടിയത്.
Saturday, November 23, 2024 23:39:48 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല