സ്വന്തം ലേഖകന്‍: കടുത്ത വരള്‍ച്ച, നാസിക്കില്‍ 30 വര്‍ഷം മുമ്പ് വെള്ളത്തിലായ ക്ഷേത്രങ്ങള്‍ വീണ്ടും പ്രത്യക്ഷപ്പെട്ടു. 1982 ല്‍ ഗോദാവരി നദിയില്‍ മുങ്ങിപ്പോയ ക്ഷേത്രങ്ങളാണ് ഇപ്പോള്‍ പുറത്തുവന്നത്. നാസിക്കില്‍ നിന്നും 25 കിലോമീറ്റര്‍ മാറി ചന്ദോരി ഗ്രാമത്തിലാണ് ക്ഷേത്രങ്ങള്‍. കടുത്ത വരള്‍ച്ച മൂലം വലയുന്ന പ്രേദേശങ്ങളാണ് ഈ ഗ്രാമങ്ങള്‍.
ഈ ക്ഷേത്രങ്ങളില്‍ മിക്കതും ശിവ ക്ഷേത്രങ്ങളാണ്. ക്ഷേത്രങ്ങള്‍ പ്രത്യക്ഷപ്പെട്ട വാര്‍ത്ത പുറത്തായതോടെ കാണാനെത്തുന്നവരുടെ തിരക്കാണ്. ആര്‍ക്കിയോളജിക്കല്‍ സര്‍വേ ഓഫ് ഇന്ത്യയുടെ രേഖകളില്‍ പോലും പരാര്‍മശമില്ലാത്ത ക്ഷേത്രങ്ങളാണിവ. ബ്രിട്ടീഷ് കാലഘട്ടത്തിലെ നാസിക് ഗസറ്ററില്‍ മാത്രമാണ് ഈ ക്ഷേത്രങ്ങളെക്കുറിച്ച് പരാമര്‍ശമുള്ളത്.
ഗ്രാമത്തിലെ യുവതലമുറക്ക് ഈ ക്ഷേത്രങ്ങളെക്കുറിച്ച് അറിയില്ലെങ്കിലും മുതിര്‍ന്ന തലമുറയില്‍പ്പെട്ട ചിലര്‍ക്ക് എണ്‍പതുകളില്‍ ക്ഷേത്രം കണ്ടതിന്റെ ഓര്‍മ്മയുണ്ട്. മൂന്ന് പതിറ്റാണ്ട് വെള്ളത്തില്‍ മുങ്ങിക്കിടന്നെങ്കിലും ക്ഷേത്രത്തിലെ വിഗ്രഹങ്ങള്‍ക്കൊന്നും തകരാറില്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല