എ. പി. രാധാകൃഷ്ണന്‍: പുണ്യം ചൊരിയുന്ന വൈശാഖമാസം ആചരിക്കാന്‍ ഭക്തര്‍ ഇന്ന് ക്രോയ്ടനിലേക്ക്. ആശയ മികവുകൊണ്ടും ജന സഹസ്രങ്ങളുടെ സാന്നിധ്യം കൊണ്ടും ശ്രദ്ധേയമായ രണ്ടാമത് ഹിന്ദുമത പരിഷതിനുശേഷം സ്ഥിരമായ മാസ പരിപാടികളിലേക്ക് കടക്കുകയാണ് ലണ്ടന്‍ ഹിന്ദു ഐക്യവേദി. യു കെ യിലെ ആയിരക്കണക്കിന് ഹൈന്ദവരുടെ അനുഗ്രഹ ആശിസുകളോടെ സനാതന ധര്‍മ്മത്തിന്റെ പ്രഭ ചൊരിഞ്ഞ് മാസംതോറും വിവിധങ്ങളായ ആചാര അനുഷ്ടാനങ്ങള്‍ ഭക്തര്‍ക്ക് പരിചയപെടുത്തി മുന്നോട്ട് പോകുന്ന ഹൈന്ദവ സംഘടനയാണ് ലണ്ടന്‍ ഹിന്ദു ഐക്യവേദി.
ലണ്ടന്‍ ഹിന്ദു ഐക്യവേദിയുടെ ആഭിമുഖ്യത്തില്‍ എല്ലാ മാസവും നടന്നു വരുന്ന സത്സംഗം ഇന്ന് (മെയ് 28 നു ശനിയാഴ്ച) വൈശാഖ മാസം പ്രമാണിച്ച് പ്രത്യേക പരിപാടികളോടെ നടക്കും. പതിവ് വേദിയായ വെസ്റ്റ് ത്രോണ്ടന്‍ കമ്മ്യൂണിറ്റി സെന്റെര്‍ ഇല്‍ വെച്ച് വൈകീട്ട് 5:30 മുതല്‍ സത്സംഗം ആരംഭിക്കും. മണിക്കൂറുകള്‍ നീണ്ടുനില്‍ക്കുന്ന നാമസങ്കീര്‍ത്തനം ചടങ്ങിലെ പ്രധാന പരിപാടിയാകും. ലണ്ടന്‍ ഹിന്ദു ഐക്യവേദി ഭജന സംഘത്തിന്റെ ഭജന, പ്രശസ്ത ഗായകന്‍ സുധീഷ് സദാനന്ദന്‍ അവതരിപ്പിക്കുന്ന ഭക്തി ഗാനങ്ങള്‍ എന്നിവ കൂടാതെ അന്നദാനം ഉള്‍പടെയുള്ള പതിവ് പരിപാടികളും സംഘാടകര്‍ ഒരുക്കിയിട്ടുണ്ട്. സമൂഹത്തിലെ എല്ലാ വിഭാഗം ജനങ്ങളും സത്സംഗത്തില്‍ പങ്കെടുത്ത് പരിപാടികള്‍ വിജയപ്രദമാക്കണമെന്ന് സംഘാടകര്‍ പ്രത്യേകം അഭ്യര്‍ഥിച്ചു
വേദിയുടെ വിലാസം: West Thornton Communtiy Cetnre, 731 735 London Road, Thornton Heath, Croydon CR7 6AU
കൂടുതല്‍ വിവരങ്ങള്‍ക്ക്
ഫോണ്‍: 07828137478, 07932635935
ഇമെയില്‍: londonhinduaikyavedi@gmail.com
ഫേസ്ബുക്ക്: facebook.com/londonhinduaikyavedi
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല