സ്വന്തം ലേഖകന്‍: ഒമാനില്‍ കുത്തേറ്റു മരിച്ച മലയാളി നഴ്സ് ചിക്കുവിന്റെ ഭര്‍ത്താവ് പോലീസ് പിടിയില്‍. സാഹചര്യ തെളിവുകളുടെ അടിസ്ഥാനത്തിലാണ് ചിക്കുവിന്റെ ഭര്‍ത്താവ് ലിന്‍സനെ ഒമാന്‍ റോയല്‍ പോലീസ് റിമാന്റ് ചെയ്തിരിക്കുന്നതെന്നാന് സൂചന.
ഏഴ് മാസം ഗര്‍ഭിണിയായിരുന്ന ചിക്കുവിനെ ഏപ്രില്‍ 20 നാണ് ഫ്‌ലാറ്റില്‍ കുത്തേറ്റ് മരിച്ച നിലയില്‍ കണ്ടെത്തിയത്. സംഭവത്തിന് പിന്നാലെ തൊട്ടടുത്ത ഫ്‌ളാറ്റിലെ പാകിസ്താനിയെ പോലീസ് അറസ്റ്റ് ചെയ്തുവെങ്കിലും തെളിവുകളുടെ അഭാവത്തില്‍ വിട്ടയയ്ക്കുകയായിരുന്നു.
ചിക്കുവിന്റെ ശരീരത്തില്‍ നിന്നും ലിന്‍സന്റെ വിരല്‍പ്പാടുകള്‍ മാത്രമാണ് കണ്ടെത്താന്‍ സാധിച്ചിട്ടുള്ളത്. ഇതാണ് അന്വേഷണം ഇയാള്‍ക്കെതിരെ തിരിയാന്‍ കാരണം. അതേസമയം, ചിക്കുവിന്റെ ശരീരത്തില്‍ നിന്നും നഷ്ടപ്പെട്ട സ്വര്‍ണ്ണാഭരണങ്ങള്‍ ലിന്‍സനില്‍ നിന്നും കണ്ടെടുക്കാന്‍ കഴിയാത്തത് അനേഷകരെ കുഴക്കുകയാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല