അപ്പച്ചന്‍ കണ്ണഞ്ചിറ: യു കെ യിലെ സീറോ മലബാര്‍ സഭയുടെ പ്രഥമ ഇടവകയായ പ്രസ്റ്റണിലെ വിശുദ്ധ അല്‍ഫോന്‍സാ ദേവാലയത്തില്‍ ഭാരത അപ്പസ്‌തോലനും സഭാ പിതാവുമായ വി.തോമാശ്ലീഹായുടെ ഓര്‍മ്മ ദിനാചരണവും ,ഇടവക മദ്ധ്യസ്ഥയായ വി.അല്‍ഫോന്‍സാമ്മയുടെ തിരുന്നാളും സംയുക്തമായി ആഘോഷിക്കുന്നു.സീറോ മലബാര്‍ സഭയുടെ ഭദ്രാവതി രൂപതാ അദ്ധ്യക്ഷന്‍ അഭിവന്ദ്യ മാര്‍ ജോസഫ് അരുമച്ചാടത്ത് മുഖ്യ കാര്‍മ്മികത്വം വഹിക്കും.സീറോ മലബാര്‍ സഭക്ക് ശക്തമായ പ്രോത്സാഹനം നല്‍കി പോരുന്ന ലങ്കാസ്റ്റര്‍ രൂപതാധികാരി മാര്‍ മൈക്കിള്‍ കാംബെല്‍ തിരുന്നാള്‍ സന്ദേശം നല്‍കി സംസാരിക്കും.
ജൂലൈ 17 നു ഞായറാഴ്ച ഉച്ച കഴിഞ്ഞു 3:00 മണിക്ക് ആഘോഷമായ തിരുന്നാള്‍ കുര്‍ബ്ബാന,തിരുന്നാള്‍ സന്ദേശം,ലദീഞ്ഞു,പ്രദിക്ഷണം വിശുദ്ധരുടെ തിരുശേഷിപ്പ് വണങ്ങള്‍ സമാപന ആശീര്‍വ്വാദം
തിരുക്കര്‍മ്മങ്ങളോടെ തിരുന്നാള്‍ ശുശ്രുഷകള്‍ സമാപിക്കും.
മതബോധന ക്ലാസ്സുകളുടെയും, കുടുംബ യൂണിറ്റുകളുടെയും വാര്‍ഷീക പരിപാടികളും കലാ സായാഹ്നവും സ്‌നേഹ വിരുന്നും തിരുന്നാള്‍ ദിനത്തോടനുബന്ധിച്ച് ഒരുക്കുന്നുണ്ട്. കലാസന്ധ്യക്കു സണ്‍ഡേ സ്‌കൂള്‍ ഹെഡ് മാസ്റ്റര്‍ സിബിയുടെയും സിഎംസി കോണ്‍വെന്റ് സുപ്പീരിയര്‍ സിസ്റ്റര്‍ അനുപയുടെയും നേതൃത്വത്തില്‍ മതാദ്ധ്യാപകരും പാരിഷ് കൗണ്‍സില്‍ ഫാമിലി യുണിറ്റ് ഭാരവാഹികളും വിപുലമായ പരിപാടികള്‍ ആണ് ക്രമീകരിച്ചിരിക്കുന്നത്.
ഇടവകയുടെ പ്രഥമ തിരുനാളില്‍ ഭക്തി പുരസ്സരം പങ്കു ചേര്‍ന്നു വിശുദ്ധരുടെ മദ്ധ്യസ്ഥതയില്‍ അനുഗ്രഹങ്ങള്‍ പ്രാപിക്കുന്നതിനും,ഇടവക കുടുംബാംഗങ്ങളുടെ വിശ്വാസസ്‌നേഹക്കൂട്ടായ്മ്മക്ക് ശക്തി പകരുന്നതിനും ലങ്കാസ്റ്റര്‍ രൂപതയിലെ സീറോ മലബാര്‍ ഇടവക വികാരി ഫാ.മാത്യു ചൂരപൊയികയില്‍ ഏവരെയും സസ്‌നേഹം സ്വാഗതം ചെയ്യുന്നു.
സെന്റ്.അല്‍ഫോന്‍സാ ചര്‍ച്ച്, പ്രസ്റ്റണ്‍ പീ.ആര്‍ 1 1 ടി.ടി
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല