അലക്‌സ് വര്‍ഗീസ്: യുകെയിലെ സീറോ മലബാര്‍ വിശ്വാസികളുടെ ചിരകാല അഭിലാഷമായിരുന്ന യു കെ ക്ക് വേണ്ടി ഒരു രൂപത എന്ന സ്വപ്നം യാഥാര്‍ത്ഥ്യമായതിന്റെ നന്ദി സൂചകമായി ശനിയാഴ്ച (6/8/16) രാവിലെ 10ന് ലോങ്ങ് സൈറ്റ് സെന്റ്.ജോസഫ് ദേവാലയത്തില്‍ ക്യതജ്ഞതാ ദിവ്യബലി അര്‍പ്പിക്കുന്നു.
പ്രസ്റ്റണ്‍ ആസ്ഥാനമായി യുകെ ക്ക് വേണ്ടി മാത്രമായി സീറോ മലബാര്‍ രൂപതയും, രൂപതയുടെ തലവനായി, ഇടവക രൂപതാ ഭരണകാര്യങ്ങളിലും, ആദ്ധ്യാത്മികമായി യു കെയിലെ സീറോ മലബാര്‍ വിശ്വാസികളെ വളര്‍ത്താന്‍ ഏറ്റവും അനുയോജ്യനുമായ പാലാ രൂപതാംഗമായ മാര്‍ ജോസഫ് സ്രാമ്പിക്കലിനെ നിയുക്ത മെത്രാനായി പരിശുദ്ധ പിതാവ് നിയോഗിക്കുകയും ചെയ്തതിന് ദൈവത്തോട് നന്ദി പറ യുവാനായിട്ടാണ് പ്രത്യേക ദിവ്യബലി അര്‍പ്പിക്കുന്നത്. യു കെയിലെ സീറോ മലബാര്‍ സഭയുടെ ചരിത്രത്തിന്റെ സുവര്‍ണ്ണ ലിപികളില്‍ ആലേഖനം ചെയ്യപ്പെടുന്ന രൂപതയും പ്രഥമ മെത്രാനും യു കെ യിലെ സീറോ മലബാര്‍ സമൂഹത്തിന് വളരെയേറെ സന്തോഷവും, പുത്തനുണര്‍വ്വുമാണ് പ്രദാനം ചെയ്തിരിക്കുന്നത്.
ക്യതജ്ഞതാ ദിവ്യബലിയില്‍ സംബന്ധിച്ച് രൂപതയുടെ വളര്‍ച്ചക്കും, രൂപതാദ്ധ്യക്ഷനും വേണ്ടി പ്രാര്‍ത്ഥിക്കുവാന്‍ ലഭിക്കുന്ന പ്രത്യേക അവസരം ഉപയോഗിക്കുവാന്‍ എല്ലാ സീറോ മലബാര്‍ വിശ്വാസികളെയും സാല്‍ഫോര്‍ഡ് രൂപതാ സീറോ മലബാര്‍ ചാപ്ലിന്‍ റവ.ഫാ.തോമസ് തൈക്കൂട്ടത്തില്‍ സ്വാഗതം ചെയ്യുന്നു.
ദേവാലയത്തിന്റെ വിലാസം,
St. Joseph Church,
Portand Crescent,
Longsight, M13 0BU,
Manchester.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല