സാബു ചുണ്ടക്കാട്ടില്‍: യുകെയിലെ സിറോ മലബാര്‍ സമൂഹത്തിന്റെ ചിരകാല സ്വപ്‌നമായിരുന്ന രൂപത ലഭിച്ചതിന്റെ സന്തോഷസൂചകമായി ഞാറാഴ്ച്ച മാഞ്ചസ്റ്ററില്‍ കൃതജ്ഞത ബലി അര്‍പ്പിക്കുന്നു. മാഞ്ചെസ്റ്ററിലും പരിസര പ്രദേശങ്ങളിലും ഉള്ള മലയാളി സമൂഹം വിഥിന്‍ഷോ സെന്റ് ആന്റണീസ് ദേവാലയത്തില്‍ ആണ് വൈകുന്നേരം നാലിന് ഒത്തുചേര്‍ന്ന് ദിവ്യബലി അര്‍പ്പിക്കുക.ഇടവക വികാരി റെവ.ഡോ.ലോനപ്പന്‍ അരങ്ങാശേരി ദിവ്യബലിയില്‍ കാര്‍മ്മികനാകും.
ജൂലൈ മാസം 28 തിയതിയാണ് യുകെ കേന്ദ്രമാക്കി രൂപതയും രൂപതാ തലവനായി മാര്‍.ജോസഫ് സ്രാമ്പിക്കലിനെയും പരിശുദ്ധ സിംഹാസനം നിയമിച്ചത്.സ്ഥാനാരോഹണവും കത്തിഡ്രല്‍ വെഞ്ചരിപ്പും ഒക്ടോബര്‍ മാസം 9 നു നടക്കും. ഞാറാഴ്ച്ച നടക്കുന്ന കൃതജ്ഞതാ ബലിയില്‍ കുടുംബസമേതം പങ്കെടുക്കുവാന്‍ ഏവരെയും റെവ.ഡോ.ലോനപ്പന്‍ അരങ്ങാശേരി ക്ഷണിക്കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല