അലക്‌സ് വര്‍ഗീസ്: ഗ്രേറ്റര്‍ മാഞ്ചസ്റ്റര്‍ മലയാളി ഹിന്ദു കമ്യൂണിറ്റിയുടെ ആഭിമുഖ്യത്തില്‍ ജൂലൈ മാസം 16 മുതല്‍ ആരംഭിച്ച പവിത്രമായ രാമായണ മാസാചരണത്തിന്റെ സമാപനം ചൊവ്വാഴ്ച (16/8//6) വൈകിട്ട് 5.30 മുതല്‍ രാധാൃഷ്ണ മന്ദിറില്‍ (ഗാന്ധിഹാള്‍) വച്ച് ആഘോഷപൂര്‍വ്വം നടത്തുവാന്‍ തീരുമാനിച്ച വിവരം സസന്തോഷം അറിയിച്ചു കൊള്ളുന്നു.
ജൂലൈ 16 മുതല്‍ കേരളത്തില്‍ ഉടനീളം പരമ്പരാഗതമായി പാലിച്ചു പോരുന്ന രാമായണ പാരായണം കേരളീയ ക്ഷേത്രങ്ങളിലും ഭവനങ്ങളിലും മാത്രം ഒതുങ്ങിക്കൂടാതെ യു കെ മലയാളികളുടെ ഭവനങ്ങളിലും ഒട്ടും പരിശുദ്ധി കളയാതെ നടത്തി വരുന്നതിന്റെ ആഹ്‌ളാദത്തിലും അഭിമാനത്തിലുമാണ് ജി.എം.എം എച്ച്.സി അംഗങ്ങള്‍.
കര്‍ക്കിടക മാസം 1 മുതല്‍ ഓരോ ദിവസവും അംഗങ്ങളുടെ ഭവനങ്ങളില്‍ അദ്ധ്യാത്മ രാമായണം ക്രമം അനുസരിച്ച് പരമ്പരാഗതമായ രീതിയില്‍ പാരായണം നടത്തി വരുകയായിരുന്നു.
കര്‍ക്കിടക മാസത്തിന്റെ അവസാന ദിനമായ August 16 ന് രാധാകൃഷ്ണ ക്ഷേത്ര സന്നിധിയില്‍ വച്ചു സമാപന ദിവസത്തിലെ പാരായണവും പട്ടാഭിഷേകച്ചടങ്ങുകളും നടത്തുമെന്നു ഭാരവാഹികള്‍ അറിയിച്ചു.
അഭിഷേക ചടങ്ങുകളിലേക്കു എല്ലാ ഭക്ത ജനങ്ങളും വൈകുന്നേരം കൃത്യം 5.30 നു തന്നെ എത്തിച്ചേരണമെന്ന് അപേക്ഷിക്കുന്നു. ഈ ഉദ്യമത്തിന് സഹകരിച്ച എല്ലാ അംഗങ്ങള്‍ക്കും പ്രത്യേക നന്ദിയും, അഭിനന്ദനവും രേഖപ്പെടുത്തുന്നതായി ജി.എം.എം.എച്ച്.സി.എക്ലി ക്യുട്ടീവ് കമ്മിറ്റിക്ക് വേണ്ടി പ്രസിഡന്റ് ശ്രീ ഗോപകുമാര്‍ അറിയിച്ചു .
കൂടുതല്‍ വിവരങ്ങള്‍ക്ക് ബന്ധപ്പെടുക
ഗോപകുമാര്‍ O7932672467
പരിപാടി നടക്കുന്ന സ്ഥലത്തിന്റെ വിലാസം
Radhakrishna Temple
Brunswick Road
Withington
Manchester
M20 4QB.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല