അലക്‌സ് വര്‍ഗീസ്: വിഥിന്‍ഷോ സെന്റ്.ആന്റണീസ് ദേവാലയത്തില്‍ എല്ലാ മാസവും നടത്തി വരുന്നതും, അനേ കര്‍ക്ക് അനുഗ്രഹങ്ങളും, ദൈവീകകൃപകളും ലഭിച്ചു വരുന്നതുമായ ‘ഹോളി സ്പിരിറ്റ് ഈവനിംഗ് ‘ നാളെ വെള്ളിയാഴ്ച (26/8/16) വൈകുന്നേരം 3 മണിക്ക് ആരംഭിച്ച് രാത്രി 8.30 ന് അവസാനിക്കും.ലോക പ്രശസ്ത വചന പ്രഘോഷകനും, സെഹിയോന്‍ യു കെ യുടെ സ്ഥാപകനും, ഡയറക്ടറുമായ റവ.ഫാ.സോജി ഓലിക്കല്‍ ആണ് ധ്യാനശുശ്രൂഷകള്‍ക്ക് നേതൃത്വം നല്കുന്നത്. കത്തോലിക്കാ വിശ്വാസികളുടെ ദൈവീക സംരക്ഷണത്തിന്റെ ഏറ്റവും ശകതിയേറിയ ആയുധമായ, മാതാവിനോടുള്ള ഭക്തിയുടെ അടയാളമായ ജപമാല സമര്‍പ്പണത്തോടെയാണ് ധ്യാന ശുശ്രൂഷകള്‍ക്ക് തുടക്കം കുറിക്കുക. തുടര്‍ന്ന് ആത്മീയാഭിഷേകം തുളുമ്പുന്ന സ്തുതിപ്പുകള്‍, സെഹിയോന്‍ ടീമംഗങ്ങള്‍ നയിക്കുന്ന ഹൃദയത്തെ തൊട്ടുണര്‍ത്തുന്ന ഗാന ശുശ്രൂഷകള്‍, വചനാഗ്‌നി ചൊരിയുന്ന പ്രഭാഷണങ്ങള്‍, അനുരഞ്ജനശുശ്രൂഷകള്‍,
കുമ്പസാരം, ആഘോഷമായ വി.കുര്‍ബ്ബാന ഇവയെ തുടര്‍ന്ന് ആന്തരിക ശുദ്ധി പകരുന്ന ആരാധനയും, വിശുദ്ധ കുര്‍ബ്ബാനയുടെ ആശീര്‍വാദവും ഉണ്ടായിരിക്കും. അനുഗ്രഹദായകമായ ശുശ്രൂഷകള്‍ക്ക് മറ്റ് വൈദികരും, സെഹിയോന്‍ യു കെ ടീമംഗങ്ങളും സോജിയച്ചനെ സഹായിക്കും. ‘ഹോളി സ്പിരിറ്റ് ‘ ഈവനിംഗില്‍ പങ്കുചേര്‍ന്ന് ആത്മീയ അഭിഷേകവും, ദൈവീക കൃപകളും, രോഗശാന്തിയും ലഭിക്കുവാന്‍ ഏവരെയും റവ.ഫാ.മൈക്കിള്‍ മുറെ, റവ.ഫാ.തോമസ് മടുക്കമൂട്ടില്‍ എന്നിവര്‍ സംയുക്തമായി സ്വാഗതം ചെയ്തുകൊള്ളുന്നു.
കൂടുതല്‍ വിവരങ്ങള്‍ക്ക് ബന്ധപ്പെടുക :
രാജു ചെറിയാന്‍ O7443630066.
ദേവാലയത്തിന്റെ വിലാസം
St. Antony’s Church,
Dunkeny Road,
Woodhouse Park,
Manchester,
M22 0WR.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല