സ്വന്തം ലേഖകന്‍: ലണ്ടനിലെ മാതാപിതാക്കള്‍ കുട്ടികള്‍ക്കായി തെരെഞ്ഞെടുക്കുന്ന ഏറ്റവും ജനപ്രിയമായ പേര് മുഹമ്മദ്, രണ്ടാമത് ഒളിവര്‍. നാഷണല്‍ സ്റ്റാറ്റിസ്റ്റിക്‌സ് നടത്തിയ സര്‍വെ റിപ്പോര്‍ട്ടിലാണ് പേരുകളുടെ ജനപ്രിയത സംബന്ധിച്ച രസകരമായ വിവരങ്ങള്‍ ഉള്ളത്.
798 ആണ്‍കുട്ടികള്‍ക്കാണ് കഴിഞ്ഞ വര്‍ഷം ലണ്ടനില്‍ മുഹമ്മദ് എന്ന് പേരിട്ടതെന്ന് റിപ്പോര്‍ട്ടില്‍ പറയുന്നു. രണ്ടാം സ്ഥാനത്തുള്ള ഒലിവര്‍ 654 കുട്ടികള്‍ക്കാണ് ലഭിച്ചത്. പെണ്‍കുട്ടികളുടെ പേരില്‍ അമീലിയയാണ് ഒന്നാം സ്ഥാനത്ത്. 717 കുട്ടികള്‍ക്ക് അമീലിയ എന്ന പേര് നല്‍കി. 674 പേരുമായി ഒലിവീയ രണ്ടാം സ്ഥാനത്താണ്.
ഇന്ത്യ, പാകിസ്താന്‍, ബംഗ്ലാദേശ് എന്നീ രാജ്യങ്ങളില്‍ നിന്നുള്ളവരുടെ സാന്നിധ്യമാണ് മുഹമ്മദ് എന്ന പേരിന് ലണ്ടനില്‍ സ്വീകാര്യത വര്‍ധിക്കാന്‍ കാരണം. എല്ലാ വര്‍ഷവും ബ്രിട്ടനിലെ നവജാതശിശുക്കളുടെ ജനനസര്‍ട്ടിഫിക്കറ്റ് കേന്ദ്രീകരിച്ച് നാഷണല്‍ സ്റ്റാറ്റിസ്റ്റിക്ക്‌സ് സര്‍വെ നടത്താറുണ്ട്.
ആണ്‍കുട്ടികളുടെ പേരുകളില്‍ ഡാനിയല്‍, അലക്‌സാണ്ടര്‍, ആദം, ഡേവിഡ് തുടങ്ങിയ പേരുകള്‍ക്കും ബ്രിട്ടനില്‍ വന്‍ പ്രിയമാണ്. പെണ്‍കുട്ടികള്‍ക്ക് സോഫിയ, എമിലി, മായ എന്നീ പേരുകള്‍ക്കാണ് പ്രചാരം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല