സ്വന്തം ലേഖകന്‍: എട്ടാം വയസില്‍ ലൈംഗികമായി പീഡിപ്പിച്ചയാളെ വളര്‍ന്ന് പോലീസായി പിടികൂടിയ അമേരിക്കന്‍ യുവതിയുടെ കഥ. ചെറുപ്പത്തില്‍ ലൈംഗികമായി പീഡിപ്പിച്ചയാളെ പോലീസില്‍ ജോലി നേടിയ ശേഷം യുവതി ജയിലാക്കിയ സംഭവം നടന്നത് യുഎസിലെ ലൂസിയാനയിലാണ്.
തന്റെ ബന്ധു കൂടിയായ എര്‍ലിസ് ചൈസണ്‍ എന്നയാളെയാണ് ടെക്‌സസ് പോലീസില്‍ ഉദ്യോഗസ്ഥയായ യുവതി ജയിലിലടച്ചത്. ഇപ്പോള്‍ 27 വയസുള്ള യുവതിയെ ചെറുപ്പത്തില്‍ എര്‍ലിസ് പതിവായി ലൈംഗികമായി പീഡിപ്പിച്ചിരുന്നു.
എട്ടാം വയസ് മുതലാണ് പെണ്‍കുട്ടിയെ ഇയാള്‍ പീഡിപ്പിച്ചത്. നാലു വര്‍ഷം പീഡനം തുടര്‍ന്നു. 2014 ല്‍ പോലീസായി ജോലിക്കു കയറിയ യുവതി ചൈസണുമായി 15 വര്‍ഷത്തിനുശേഷം കൂടിക്കാഴ്ച നടത്തി. ടെക്‌സസിലെ പാര്‍ക്കിലായിരുന്നു കൂടിക്കാഴ്ച. താന്‍ ചെറുപ്പത്തില്‍ അനുഭവിച്ച ലൈംഗിക പീഡനങ്ങളെക്കുറിച്ച് ചൈസണുമായി സംസാരിച്ചു.
ഈ ദൃശ്യങ്ങളെല്ലാം ശരീരത്തില്‍ ഘടിപ്പിച്ചിരുന്ന ഒളികാമറയില്‍ പിടിച്ചെടുക്കുകയും ചെയ്തു. വീഡിയോയില്‍ താന്‍ ചെയ്ത കാര്യങ്ങളെല്ലാം ചൈസണ്‍ തുറന്ന് സമ്മതിക്കുന്നുണ്ട്. ഈ ദൃശ്യങ്ങള്‍ തെളിവാക്കിയാണ് ചൈസണെ യുവതി കുടുക്കിയത്. കേസ് പരിഗണിച്ച കോടതി ഇയാള്‍ക്ക് ജീവപര്യന്തം ശിക്ഷ വിധിക്കുകയും ചെയ്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല