സ്വന്തം ലേഖകന്‍: ലാലേട്ടന്റെ തകര്‍പ്പന്‍ സംഘട്ടന രംഗങ്ങളുമായി പുലി മുരുകന്‍ ട്രെയിലര്‍. മോഹന്‍ലാല്‍ ആരാധകര്‍ കാത്തിരിക്കുന്ന പുലി മുരുകന്റെ ട്രെയ്‌ലറില്‍ സംഘറ്റന രംഗങ്ങള്‍ക്കാണ് പ്രാധാന്യം നല്‍കിയിരിക്കുന്നത്. ചിത്രത്തിന്റെ സ്വഭാവം വ്യക്തമാക്കുന്ന ട്രെയിലറിന് സമൂഹ മാധ്യമങ്ങളില്‍ വന്‍ വരവേല്‍പ്പാണ്. ഒരു മിനിറ്റ് 42 സെക്കന്റ് ദൈര്‍ഘ്യമുള്ള ട്രയിലറില്‍ ലാലേട്ടന്‍ പുലി വേട്ടക്കാരനായി ഇതുവരെ കാണാത്ത രൂപ ഭാവങ്ങളിലാണ് പ്രത്യക്ഷപ്പെടുന്നത്. കേരളത്തിന് പുറമെ വിയ്റ്റ്‌നാമിലും, ദക്ഷിണാഫ്രിക്കയിലും തായ്‌ലന്‍ഡിലും ചിത്രീകരിച്ച സിനിമയുടെ സംവിധായകന്‍ വൈശാഖാണ്. കമാലിനി മുഖര്‍ജി, നമിത, ജഗപതി ബാബു, സുരാജ് വെഞ്ഞാറമ്മൂട് തുടങ്ങിയവരാണ് ചിത്രത്തിലെ മറ്റ് താരങ്ങള്‍. ഹോളിവുഡ് സംഘട്ടന സംവിധായകനായ പീറ്റര്‍ ആണ് ചിത്രത്തിലെ സംഘട്ടന രംഗങ്ങള്‍ ഒരുക്കിയിരിക്കുന്നത്. ഉദയകൃഷ്ണയാണ് തിരക്കഥ. പോക്കിരിരാജ എന്ന സൂപ്പര്‍ഹിറ്റ് ചിത്രത്തിന് ശേഷം വൈശാഖും നിര്‍മാതാവ് ടോമിച്ചന്‍ മുളകുപാടവും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. നിരവധി തവണ റിലീസ് തിയതി മാറ്റിയ ചിത്രം ഡിസംബറില്‍ തിയറ്ററുകളിലെത്തും എന്നാണ് സൂചന.
Saturday, November 23, 2024 20:46:20 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല