ജോസ് പുത്തന്‍കളം: ലോകമെങ്ങുമുള്ള ക്‌നാനായ കത്തോലിക്കര്‍ ഉറ്റു നോക്കുന്ന യൂറോപ്പിലെ പ്രഥമ ക്‌നാനായ ചാപ്ലയന്‍സിയിലെ പ്രഥമ ക്‌നാനായ പരിശുദ്ധ കന്യകാ മറിയത്തിന്റെ തിരുന്നാളിന് മാഞ്ചസ്റ്ററില്‍ ഇന്ന് തുടക്കമാകും. ക്‌നാനായ സമൂഹത്തിന്റെ യുകെയിലെ സഭാവളര്‍ച്ചയില്‍ എടുത്തു പറയത്തക്ക നേട്ടമാണ് ക്‌നാനായ ചാപ്ലയന്‍സി.
ഇന്ന് ഉച്ച കഴിഞ്ഞു 2.30ന് വിഥിന്‍ഷോയിലെ സെന്റ് എലിസബത്ത് ചര്‍ച്ചില്‍ പരിശുദ്ധ കന്യകാമറിയത്തിന്റെ തിരുരൂപത പ്രതിഷ്ഠ, തുടര്‍ന്ന് പ്രസുദേന്തി വാഴ്ചയും ആഘോഷമായ ദിവ്യബലിക്കും ഫാ. സജി മലയില്‍ പുത്തന്‍പുര കാര്‍മ്മികത്വം വഹിക്കും.
വൈകുന്നേരം നാലിന് കൂടാരയോഗത്തിന്റെ അടിസ്ഥാനത്തില്‍ കായികമേളയും സമ്മാനദാനവും. പരിശുദ്ധ കന്യകാമറിയത്തിന്റെ മധ്യസ്ഥതയില്‍ ദൈവാനുഗ്രഹം പ്രാപിക്കുവാന്‍ എല്ലാ വിശ്വാസികളെയും തിരുന്നാളിലേക്ക് സ്വാഗതം ചെയ്യുന്നതായി ചാപ്ലിയന്‍ ഫാ. സജി മലയില്‍ പുത്തന്‍പുര അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല