സാബു ചുണ്ടക്കാട്ടില്‍: ഏതാനും വര്‍ഷങ്ങള്‍ക്ക് മുന്‍പ് കോട്ടയം ജില്ലയിലെ മാഞ്ഞൂരില്‍ തുടക്കം കുറിച്ച മരിയന്‍ സൈന്യം ഇപ്പോള്‍ യുകെയില്‍ നിന്നും അതിന്റെ പ്രവര്‍ത്തന മേഖല ആഫ്രിക്കയിലേക്കും വ്യാപിപ്പിക്കുന്നു.
ഫാ. വിനീഷ് തോമസ് MSFS. അച്ചനാണ് മിഷന്‍ പ്രവര്‍ത്തനത്തിന്റെ ഭാഗമായി ആഫ്രിക്കയിലെ മൊസാംബിക്കയി ലേക്ക് യാത്ര തിരിച്ചത്. പൗരോഹിത്യത്തിന്റെ രണ്ടാം വര്‍ഷം തികയുന്നതിനു മുന്‍പേ യുവത്വത്തിന്റെ പ്രസരിപ്പും, മിഷനറിയുടെ തീഷ്ണതയുമായി അച്ചന്‍ മൊസാബിക്കിന്റെ തലസ്ഥാനമായ മാപ്പുട്ടോയില്‍ എത്തുകയും ഇവിടെ നിന്നും അഞ്ഞൂറ് കിലോമീറ്ററോളം അകലെയുള്ള ഗ്രാമത്തിലാണ് പള്ളിസ്ഥിതി ചെയ്യുന്നത്.ഇവിടം കേന്ദ്രീകരിച്ചാണ് ഫാ.വിനീഷ് തന്റെ പ്രവര്‍ത്തനങ്ങള്‍ ആളുകളിലേക്ക് എത്തിക്കുന്നത്.
വര്‍ഷങ്ങള്‍ക്കു മുന്‍പേ ഇന്ത്യയില്‍ നിന്നും വന്ന രണ്ടു മിഷനറിമാര്‍ അവിടെ ഉണ്ടായിരുന്നതു അച്ചനു സഹായമായി. പോര്‍ച്ചുഗീസിന്റെ ശക്തമായ കോളനി ആയിരുന്നു മൊസാബിക്ക് .അതിനാല്‍ തന്നെ ക്രിസ്ത്യന്‍ രാജ്യവും. യുദ്ധങ്ങളും, രാഷ്ട്രീയ അരാജകത്വങ്ങളും. സ്വാതന്ത്രം നേടിയ രാജ്യത്തെ പട്ടിണിയിലേക്കും, സംസ്‌ക്കാര ശൂന്യതയിലേക്കും തള്ളപ്പെട്ടു. വിദ്യാഭ്യാസമോ, ഭവനമോ,അടിസ്ഥാനസൗകര്യങ്ങളോ ഇല്ലാത്ത ഗ്രാമങ്ങള്‍.ഇവിടേക്കാണ് അച്ചന്റെ മിഷന്‍ വ്യാപിക്കേണ്ടത്.
താലന്തു തേടി ഇംഗ്ലണ്ടിലേക്ക്…..
തങ്ങളുടെ മിഷന്‍ പ്രവര്‍ത്തനത്തിനു ട്രാന്‍സ്‌പോര്‍ട്ടേഷന്‍ അത്യാവശ്യമായതിനാല്‍, നിലവിലുള്ള വളരെ പഴക്കം ചെന്ന വാഹനം മാറി മറ്റൊരു സെക്കന്റ് ഹാന്‍ഡ് വാഹനം വാങ്ങാനുള്ള ഫണ്ട് കണ്ടെത്തുന്ന ശ്രമമായി.
ആഫ്രിക്കന്‍ മിഷനിലേക്ക് മരിയന്‍ സൈന്യവും……
മരിയന്‍ സൈന്യത്തിനു ലഭിച്ച ഉള്‍വിളിയെന്നോണം, മിഷന്‍ മേഘലയിലേക്കു പ്രവര്‍ത്തനം വ്യാപിപ്പിക്കുന്നതിനാവശ്യമായ പരിശുദ്ധാത്മ ശക്തി ക്കുവേണ്ടി പ്രാര്‍ത്ഥിച്ചു കാത്തിരിക്കുമ്പോഴാണ്, മൊസാബിക്കില്‍ നിന്നും അച്ചന്റെ ഇമെയിലും, ഫോണ്‍ കോളും . പ്രാര്‍ത്ഥനാ സഹായവും, വിധവയുടെ താലന്തും തേടിയുള്ള സന്ദേശം. മരിയന്‍ സൈന്യത്തിന്റെ ഫോര്‍മറായ ബ്ര. സിജുവിന് മറ്റൊന്നും ആലോചിക്കേണ്ടി വന്നില്ല .സ്പിരിച്ചല്‍ ഫാദറിന്റെയും, കൂട്ടായ്മയുടേയും സഹകരണം ഉറപ്പുകൊടുത്തു
ക്രിസ്തുവില്‍ പ്രിയരെ ദൈവാത്മാവ് നിങ്ങളെ പ്രേരിപ്പിക്കുന്നെങ്കില്‍ മരിയന്‍ സൈന്യത്തിന്റെ ഈ പ്രേഷിത വേലയില്‍ നിങ്ങള്‍ക്കും പങ്കാളിയാകാം. നിങ്ങള്‍ അനേകം ശിശ്രൂഷകളെ സഹായിക്കുന്നവരാകാം. നിങ്ങളുടെ പ്രാര്‍ത്ഥനയിലും, ദശാംശത്തലും മരിയന്‍ മിഷന്റെ പ്രവര്‍ത്തനങ്ങളെ സഹായിക്കുന്നത് വഴി നിയമാ 15:11, സുഭാ 28: 27ന്റ അനുഗ്രഹം പ്രാപിക്കട്ടെ എന്ന് പ്രാര്‍ത്ഥിക്കുന്നു.
കൂടുതല്‍ വിവരങ്ങള്‍ക്ക് 07411228428
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല