അലക്‌സ് വര്‍ഗീസ്: ഈ മണ്ഡലക്കാലത്ത് ”ശബരീശ ദര്‍ശനം” യു കെ യില്‍ സാധ്യമാക്കുക എന്ന ലക്ഷ്യം സാക്ഷാത്കരിക്കാന്‍ തയ്യാറെടുക്കുകയാണ് മാഞ്ചസ്റ്റര്‍ മലയാളി ഹിന്ദു കമ്യൂണിറ്റി. നാം അനുഷ്ഠിച്ചു പോന്നിരുന്ന ആചാരങ്ങള്‍ അതേപടി അനുവര്‍ത്തിച്ചു പോരുവാന്‍ പ്രവാസികള്‍ക്ക് പരിമിതികള്‍ ഉണ്ടെങ്കിലും, അവയെ നമ്മെക്കൊണ്ട് സാധിക്കുന്ന രീതിയില്‍ നടപ്പിലാക്കുകയും, കുട്ടികളിലേക്ക് പകര്‍ന്നു കൊടുത്ത് അവ അന്യം നിന്നു പോകാത്ത ഒരു തലമുറയെ വാര്‍ത്തെടുക്കുകയും ചെയ്യുന്നതില്‍ നാം അതീവ ശ്രദ്ധ ചെലുത്താറുണ്ട്. അതിന്റെ ഭാഗമായി ഈ വരുന്ന ശനിയാഴ്ച ഡിസംബര്‍ 10 ന് രാവിലെ 10 മണിക്ക് വിതിംഗ്ടണ്‍ ഗാന്ധി ഹാളില്‍ നിന്നും വ്രതശുദ്ധിയോടെ കെട്ടുമുറുക്കി ബര്‍മിംഗ്ഹാം ബാലാജി ക്ഷേത്രത്തിലെ അയപ്പക്ഷേത്രത്തില്‍ ചെന്ന് പൂജാദികര്‍മ്മങ്ങള്‍ പൂര്‍ത്തിയാക്കി തിരിച്ചുവരാനായി തീരുമാനിച്ചിരിക്കുന്ന വിവരം സസന്തോഷം അറിയിക്കട്ടെ. ആയതിലേക്ക് എല്ലാ ഭക്തജനങ്ങളുടേയും സാന്നിദ്ധ്യസഹകരണങ്ങള്‍ പ്രതീക്ഷിച്ചു കൊള്ളുന്നു. ഗ്രേറ്റര്‍ മാഞ്ചസ്റ്റര്‍ മലയാളി ഹിന്ദു കമ്മ്യൂണിറ്റിയാണ് ഭക്ത ജനങ്ങള്‍ക്കായി ഇങ്ങനെയൊരു അവസരം ഒരുക്കുന്നത്.
കൂടുതല്‍ വിവരങ്ങള്‍ക്ക് താഴെ പറയുന്നവരുമായി ബന്ധപ്പെടുക,
ഗോപകുമാര്‍, 07932672467
സന്തോഷ്, 07737469585
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല