സ്വന്തം ലേഖകന്‍: സച്ചിന്റെ ജീവിത സിനിമ ‘സച്ചിന്‍ എ ബില്യന്‍ ഡ്രീംസിന്റെ’ കിടിലന്‍ ട്രെയിലര്‍ പുറത്ത്, വന്‍ വരവേല്‍പ്പ്. ക്രിക്കറ്റ് ആരാധകരും സിനിമാ പ്രേമികളും ഒരുപോലെ കാത്തിരിക്കുന്ന ചിത്രം സച്ചിന്‍ എ ബില്ല്യണ്‍ ഡ്രീംസ് സച്ചിന്റെ കുട്ടിക്കാലം മുതല്‍ ക്രിക്കറ്റ് ഇതിഹാസമായത് വരെയുള്ള കാര്യങ്ങളാണ് പറയുന്നത്.
സച്ചിനും മകന്‍ അര്‍ജുനും ചിത്രത്തില്‍ വേഷമിടുന്നു. ബ്രിട്ടീഷ് ഡോക്യുമെന്ററി സംവിധായകനായ ജെയിംസ് എര്‍സ്‌കിന്‍ സംവിധാനം ചെയ്ത ചിത്രത്തിന് സംഗീതമൊരുക്കിയത് എ.ആര്‍ റഹ്മാനാണ്. സഹോദരനൊപ്പമുള്ള രസകരമായ മുഹൂര്‍ത്തങ്ങളും പിന്നീട് ഒരു രാജ്യത്തിന്റെ മുഴുവന്‍ ദൈവമായി മാറിയ നിമിഷങ്ങളും ട്രെയ്‌ലറിലുണ്ട്.
സച്ചിന്‍ ആദ്യമായി അഭിനയിക്കുന്ന മുഴുനീള സിനിമ എന്ന പ്രത്യേകതയും ചിത്രത്തിനുണ്ട്. ആത്മകഥയില്‍ ഉണ്ടാകാത്ത പല സംഭവങ്ങളും ഈ ചിത്രത്തില്‍ മാത്രം കാണാനാവും.സിനിമ നിര്‍മ്മിക്കുന്നത് രവി ഭഗ്ചന്ദ്കയും കാര്‍ണിവല്‍ മോഷന്‍ പിക്‌ച്ചേര്‍സും കൂടിയാണ്.ചിത്രം മെയ് 26 ന് തിയേറ്ററുകളില്‍ എത്തും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല