സ്വന്തം ലേഖകന്‍: ഫൈനല്‍ എക്‌സിറ്റ് വാങ്ങി സ്വദേശത്തേക്ക് പോയ പ്രവാസികള്‍ക്ക് സൗദിയിലേക്ക് തിരിച്ച് വരണമെങ്കില്‍ എക്‌സിറ്റ് പേപ്പര്‍ നിര്‍ബന്ധം. സൗദിയില്‍ നിന്നും ഫൈനല്‍ എക്‌സിറ്റ് വാങ്ങി സ്വദേശത്തേക്ക് പോയ പ്രവാസികള്‍ തിരിച്ചു വരണമെങ്കില്‍ നിര്‍ബന്ധമായും എക്‌സിറ്റ് പേപ്പറുകള്‍ കൈവശം വെയ്ക്കണം.
മുംബൈയിലെ ഇന്ത്യന്‍ കോണ്‍സുലേറ്റാണ് ഇക്കാര്യം അറിയിച്ചത്. പഴയ എക്‌സിറ്റ് പേപ്പറുകള്‍ സമര്‍പ്പിച്ചാലെ ഇനി മുതല്‍ പുതിയ വിസയുടെ അപേക്ഷ സ്വീകരിക്കുകയുള്ളൂ എന്നും അധികൃതര്‍ അറിയിച്ചു. ജനുവരി ഏഴു മുതല്‍ ഈ നിയമം നടപ്പിലാവുമെന്ന് ട്രാവല്‍ ഏജന്‍സികള്‍ക്ക് കോണ്‍സുലേറ്റ് ഇതു സംബന്ധിച്ച അയച്ച സര്‍ക്കുലറില്‍ വ്യക്തമാക്കുന്നു.
സൗദി പാസ്‌പോര്‍ട്ട് വിഭാഗത്തില്‍ നിന്നും ലഭിച്ച രേഖയോ മുഖീം സിസ്റ്റത്തില്‍ നിന്നുള്ള പേപ്പറോ ആണ് സമര്‍പ്പിക്കേണ്ടത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല