സ്വന്തം ലേഖകൻ: കുവൈത്തില്‍ തൊഴിലാളികള്‍ക്ക് അവധി ദിവസങ്ങള്‍ക്ക് തുല്യമാനം വേതനം നല്‍കാന്‍ ഭേദഗതി ചെയ്യുന്നതിനുള്ള ബില്‍ സമര്‍പ്പിച്ചു. തൊഴിലാളികള്‍ അനുവദനീയമായ അവധി ദിവസങ്ങള്‍ ഉപയോഗിച്ചിട്ടില്ലെങ്കില്‍ ആ ദിവസത്തിന് തുല്യമായ ശമ്പളം നല്‍കണമെന്ന് ആവശ്യപ്പെട്ടു. എംപി മര്‍സൂഖ് അല്‍- ഖലീഫയാണ് ഭേദഗതി ചെയ്യാന്‍ ബില്‍ സമര്‍പ്പിച്ചത്. എണ്ണ മേഖലയിലെ തൊഴില്‍ നിയമം ഭേദഗതി ചെയ്യുന്നതാണ് ബില്‍.
തൊഴിലാളികള്‍ ഉപയോഗിക്കാത്ത അവധി ദിവസങ്ങള്‍ക്ക് തുല്യമായ തുക അവര്‍ ആവശ്യപ്പെടുന്നില്ലെങ്കില്‍ പോലും തൊഴിലാളികളുടെ അവകാശം സംരക്ഷിക്കപ്പെടുമെന്നും ഉപയോഗിക്കാത്ത അവധി ദിവസങ്ങളുടെ എണ്ണത്തില്‍ പരിധിയില്ലെന്നും ബില്ലില്‍ പറയുന്നു. 1979 ഏപ്രില്‍ 4 ന് പുറപ്പെടുവിച്ച സിവില്‍ സര്‍വീസ് കമ്മീഷനെ (സിഎസ്‌സി) സംബന്ധിച്ച ഉത്തരവിലെ ആര്‍ട്ടിക്കിള്‍ 45 ഭേദഗതി ചെയ്യാനുള്ള നിര്‍ദ്ദേശമാണ് എം പി മുസായ്ദ് അല്‍ അര്‍ദി സമര്‍പ്പിച്ചു.
നിര്‍ദേശം അനുസരിച്ച്, വിദേശ ചികിത്സയ്ക്കായി ബന്ധുവിനെ അനുഗമിക്കുന്ന ജീവനക്കാരന് മുഴുവന്‍ ശമ്പളത്തോടെ അവധി അനുവദിക്കും. അത്തരം അവധി അനുവദിക്കുന്നതിനുള്ള നിയന്ത്രണങ്ങള്‍ സിഎസ്‌സി രൂപീകരിക്കും.
കൂടാതെ, വിദ്യാര്‍ഥിനിയുടെ അച്ഛന്‍, അമ്മ, സഹോദരന്‍ അല്ലെങ്കില്‍ അമ്മാവന്‍ എന്നിവര്‍ക്ക് പ്രത്യേകാവകാശങ്ങള്‍ നല്‍കുന്നതിനായി ഉന്നത വിദ്യാഭ്യാസ മന്ത്രാലയത്തിന് കീഴിലുള്ള വിദ്യാര്‍ഥികളള്‍ക്കും സിഎസ്‌സിയ്ക്ക് കീഴിലുള്ള പൊതുമേഖലാ തൊഴിലാളികള്‍ക്കും വിദേശ സ്‌കോളര്‍ഷിപ് സംബന്ധിച്ച ഉത്തരവുകള്‍ ഭേദഗതി ചെയ്യുന്നതിനുള്ള നിര്‍ദേശം ഫാര്‍സ് അല്‍ ദൈഹാനി സമര്‍പ്പിച്ചു. ഒരു വിദ്യാര്‍ഥിനി ഭര്‍ത്താവിനെയോ മകനെയോ മാത്രമേ കൊണ്ടുവരാവൂ എന്നാണ് നിലവില ഉത്തരവ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല