സ്വന്തം ലേഖകൻ: ഡെസ്റ്റിനേഷൻ വെഡ്ഡിംഗിൻ്റെ പ്രധാന ലൊക്കേഷനുകളിൽ ഒന്നായ ഇറ്റലിയിൽ നിന്നിതാ മറ്റൊരു വമ്പൻ ഓഫർ. മധ്യ ഇറ്റലിയിലെ തലസ്ഥാനമായ റോം ഉൾപ്പെടുന്ന ലാസിയോ മേഖലയാണ് ദമ്പതികൾക്ക് ആകർഷകമായ ഓഫർ നൽകുന്നത്. ദമ്പതികൾ ഈ പ്രദേശത്ത് വിവാഹിതരായാൽ അവരുടെ വിവാഹത്തിന് ചെലവഴിക്കാൻ 2,000 യൂറോ (1.68 ലക്ഷം രൂപ) പാരിതോഷികം നൽകുമെന്നാണ് വാഗ്ദാനം.
“Nel Lazio con amore” അല്ലെങ്കിൽ “From Lazio with Love” എന്ന് പേരിട്ടിരിക്കുന്ന ഈ ഓഫർ 2022 ജനുവരി 1നും 31 ഡിസംബർ 31നും ഇടയിൽ ഈ സ്ഥലത്ത് വിവാഹം കഴിക്കുന്ന ഇറ്റലിക്കാർക്കും വിദേശികൾക്കും ബാധകമാണ്. കോവിഡ്-19 മൂലം നശിച്ച മേഖലയിലെ വിവാഹ വ്യവസായത്തെ പുനരുജ്ജീവിപ്പിക്കാനുള്ള പ്രോത്സാഹനവുമായി ലാസിയോ അധികൃതർ രംഗത്തെത്തി ഈ ഓഫർ പ്രഖ്യാപിച്ചിരിക്കുന്നത്.
ഇതുവഴി പ്രാദേശിക കാറ്ററർമാർ, ഫ്ലോറിസ്റ്റുകൾ, വെഡ്ഡിംഗ് പ്ലാനർമാർ, ഇവന്റ് കമ്പനികൾ എന്നിവരിൽ നിന്ന് സേവനങ്ങളോ ഉൽപ്പന്നങ്ങളോ (വിവാഹവുമായി ബന്ധപ്പെട്ട്) വാങ്ങുമ്പോൾ 2,000 യൂറോ വരെ റീഫണ്ട് നൽകാൻ 10 മില്യൺ യൂറോ ലാസിയോ പ്രവിശ്യയുടെ അധികാരികൾ നീക്കിവച്ചിട്ടുണ്ട്. ഹണിമൂൺ ചെലവുകൾ, ഫോട്ടോഗ്രാഫി സേവനങ്ങൾ തുടങ്ങിയ കാര്യങ്ങൾക്കായി ഈ പണം ചെലവഴിക്കണം എന്നാണ് നിബന്ധന.
“സാമ്പത്തിക പ്രതിസന്ധിയിൽ നിന്ന് മോശമായ ഒരു മേഖലയെ പിന്തുണയ്ക്കാൻ ഈ പദ്ധതി ആവശ്യമാണ്,” ലാസിയോയുടെ പ്രസിഡന്റ് നിക്കോള സിങ്കരെറ്റി പറഞ്ഞതായി ദി ഗാർഡിയൻ റിപ്പോർട്ട് ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല