സ്വന്തം ലേഖകൻ: കുവൈത്തില്‍ വിദേശ അധ്യാപകര്‍ക്ക് അവസരം. ചില പ്രത്യേക വിഷയങ്ങളില്‍ പഠിപ്പിക്കാന്‍ അധ്യാപകരുടെ അഭാവം പരിഹരിക്കുന്നതിനായി 1000 പുതിയ വിദേശ അധ്യാപകരെയാണ് നിയമിക്കാനൊരുങ്ങുന്നത്. ഇതിനായി കുവൈത്തില്‍ താമസിക്കുന്ന വിദേശികളില്‍ നിന്ന് അപേക്ഷ സ്വീകരിച്ചു തുടങ്ങിയതായി ഒരു പ്രാദേശിക പത്രം റിപ്പോര്‍ട്ട് ചെയ്തു.
11 വ്യത്യസ്ത വിഷയങ്ങള്‍ പഠിപ്പിക്കുന്നതിന് അടുത്ത അധ്യയന വര്‍ഷത്തേക്ക് കുവൈത്ത് ഇതര അധ്യാപകരുടെ ഒഴിവുകള്‍ ഉണ്ടെന്ന് വിദ്യാഭ്യാസ മന്ത്രാലയം അറിയിച്ചതായി അല്‍ ഖബാസ് പത്രം വ്യക്തമാക്കി. ഇംഗ്ലീഷ്, ഫ്രഞ്ച്, ഗണിതം, ശാസ്ത്രം, ഫിസിക്‌സ്, ബയോളജി, ജിയോളജി, ഫിലോസഫി, ഡെക്കറേഷന്‍ എന്നീ വിഷയങ്ങളില്‍ പുരുഷന്മാര്‍ക്കാണ് അവസരം.
സംഗീതം, ഭൗതികശാസ്ത്രം, കണക്ക്, ഇംഗ്ലീഷ് എന്നീ വിഷയങ്ങള്‍ പഠിപ്പിക്കാന്‍ വനിതാ അധ്യാപകരെയാണ് ആവശ്യം. അപേക്ഷകള്‍ മന്ത്രാലയത്തിന്റെ വെബ്‌സൈറ്റ് വഴി ഒരു പ്രാദേശിക കോണ്‍ട്രാക്ടിംഗ് ലിങ്കില്‍ അവതരിപ്പിക്കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല