സ്വന്തം ലേഖകൻ: ലോകകപ്പിനെ വരവെൽക്കാർ വേണ്ടി വലിയ ഒരുക്കങ്ങൾ ആണ് ഖത്തറിൽ നടന്നുകൊണ്ടിരിക്കുന്നത്. ലോകകപ്പ് സമയത്ത് താമസക്കാർക്ക് ഖത്തറിലേക്ക് യാത്രാവിലക്ക് ഏർപ്പെടുത്തുന്ന തരത്തിൽ വാർത്തകൾ പരക്കുന്നുണ്ട്. എന്നാൽ ഇത്തരം പ്രചാരണങ്ങൾ അടിസ്ഥാന രഹിതമെന്ന് ഖത്തർ അധികൃതർ അറിയിച്ചു.
ഇത്തരത്തിലുള്ള വാർത്തകൾ വാസ്തവിരുദ്ധമാണെന്നും പൗരന്മാരുടെയും താമസക്കാരുടെയും യാത്രകളെ ലോകകപ്പ് ബാധിക്കിക്കില്ലെന്നും അതുമായി ബന്ധപ്പെട്ട് വലിയ ചർച്ചകൾ നടന്നിട്ടെന്നും സുപ്രീം കമ്മിറ്റി ഫോർ ഡെലിവറി ആൻഡ് ലെഗസി ഔദ്യോഗിക വക്താവ് ഖാലിദ് അൽ നഅമ അറിയിച്ചു. ലോകകപ്പ് നടക്കുന്ന സമയത്ത് എല്ലാവരും രാജ്യത്ത് തന്നെ ഉണ്ടായിരിക്കണം എന്നാണ് ഖത്തർ ആഗ്രഹിക്കുന്നതെന്നും യാത്രാവിലക്ക് സംബന്ധിച്ച് പ്രചരിക്കുന്ന വാർത്തകൾ സത്യമല്ലെന്നും ഖാലിദ് അൽ നഅ്മ വ്യക്തമാക്കി.
ഖത്തർ ടിവിക്ക് നൽകിയ അഭിമുഖത്തിൽ ആണ് അദ്ദേഹം ഇക്കാര്യം വ്യക്തമാക്കിയത്. രാജ്യത്തെ പൗരൻമാരേയും, വിദേശികളേയും വിലക്കുമെന്നത് സംബന്ധിച്ച വാർത്ത പരക്കുന്നുണ്ടല്ലോ എന്ന ചോദ്യത്തിന് മറുപടിയായാണ് അദ്ദേഹം ഇക്കാര്യം പറഞ്ഞത്. പരക്കുന്ന വാർത്ത അടിസ്ഥാന രഹിതമാണെന്നും അതെല്ലാം തള്ളികളയണമെന്നും അദ്ദേഹം പറഞ്ഞു.
ജൂലെെക്ക് ശേഷം ഖത്തറിൽ നിന്നും പുറത്തേക്ക് പോകുന്നവർക്ക് ലോകകപ്പ് കഴിയാതെ തിരിച്ച് വരാൻ സാധിക്കില്ലെന്ന തരത്തിലാണ് കഴിഞ്ഞ കുറച്ചു ദിവസങ്ങളായി അഭ്യൂഹങ്ങൾ പരക്കുന്നത്. അധികൃതരുടെ ഭാഗത്ത് നിന്നും ഒരു അറിയിപ്പും വരാത്ത സാഹചര്യത്തിൽ ആരും ആശങ്കയിലാക്കേണ്ടതില്ലെന്നും അദ്ദേഹം പറഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല