സ്വന്തം ലേഖകൻ: ബഹ്‌റൈനില്‍ പുതിയ തൊഴില്‍വിസയും മെഡിക്കലും എങ്ങനെ ചെയ്യണമെന്ന കാര്യത്തില്‍ വ്യക്തത വരുത്തി അധികൃതര്‍. പുതിയ തൊഴില്‍വിസയില്‍ ബഹ്‌റൈനില്‍ എത്തുന്നവരുടെ ബയോമെട്രിക് വിവരങ്ങള്‍ എയര്‍പോര്‍ട്ടില്‍ വെച്ച് രേഖപ്പെടുത്താറുണ്ട്. ഫിംഗര്‍ പ്രിന്റും ഫോട്ടോയും എടുത്ത് എന്റോള്മെന്റ് പൂര്‍ത്തിയായാല്‍ പ്രിന്റൗട്ട് കിട്ടും. അതില്‍ മെഡിക്കല്‍ ചെക്കപ് തീയതി, ഏത് ഹോസ്പിറ്റര്‍ എന്നീ വിവരങ്ങള്‍ ഉണ്ടാകും.
എന്നാല്‍, ചില സാഹചര്യങ്ങളില്‍ സിസ്റ്റം തകരാര്‍ കാരണം എന്റോള്മെന്റ് നടത്താതെ തന്നെ കടത്തിവിടാറുണ്ട്. അങ്ങനെയുള്ളവര്‍ കമ്പനിയില്‍ ബന്ധപ്പെട്ട് എന്റോള്‍മെന്റിനുള്ള അപ്പോയിന്‍മെന്റ് എടുക്കേണ്ടത്. എന്റോള്മെന്റ് പൂര്‍ത്തിയായാല്‍ മെഡിക്കല്‍ ചെക്കപ്പിനുള്ള തിയതി ലഭിക്കും. വിസ ലഭിച്ചതിനു ശേഷം വൈദ്യ പരിശോധന നടത്താതിരുന്നാല്‍ അത് കുറ്റകൃത്യമായി തീരും.
അതേസമയം, സൗദിയില്‍ നിന്ന് വര്‍ക് വിസ എടുത്ത് കോസ്‌വേ വഴി വന്ന് അന്നുതന്നെ തിരികെ പോകുന്നവര്‍ക്ക് ബയോമെട്രിക് എന്റോള്മെന്റ് ചെയ്യാനുള്ള അപ്പോയിന്‍മെന്റ് വന്നതിനുശേഷം കിട്ടില്ല. അങ്ങനെ ഉള്ളവര്‍ യാത്ര പുറപ്പെടുന്നതിനു മുമ്പുതന്നെ എല്‍എംആര്‍എ വെബ്‌സൈറ്റില്‍ സിത്രയോ റിഫയോ തെരഞ്ഞെടുത്ത് എന്റോള്‍മെന്റിനുള്ള അപ്പോയിന്‍മെന്റ് എടുത്തശേഷം ബഹ്‌റൈനിലേക്ക് യാത്ര ചെയ്യണം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല