സ്വന്തം ലേഖകൻ: രാജ്യത്ത് ഓണ്‍ലൈന്‍ പണമിടപാടുകള്‍ക്ക് ബാങ്കുകള്‍ ഇനിമുതല്‍ ഒരു നിശ്ചിത ഫീസ് ഈടാക്കാന്‍ കുവൈത്ത്. ഒരു ദിനാര്‍ ഫീസ് ആയിരിക്കും ഇടപാടുകള്‍ക്ക് ഈടാക്കുക. പുതിയ നടപടി ജൂണ്‍ മുതല്‍ പ്രാബല്യത്തില്‍ വരും.
ജൂണ്‍ 1 മുതല്‍ കോര്‍പ്പറേറ്റ് ബാങ്ക് അക്കൗണ്ടിലേക്ക് പണം അയക്കുമ്പോള്‍ ഒരു കെഡിയും വ്യക്തിഗത അക്കൗണ്ടുകളിലേക്ക് പണം അയക്കുമ്പോള്‍ 500 ഫില്‍സും നല്‍കേണ്ടി വരും. ഇതുസംബന്ധിച്ച് നിരവധി പ്രാദേശിക ബാങ്കുകള്‍ ഇതിനോടകം തന്നെ ഇടപാടുകാര്‍ക്ക് മുന്നറിയിപ്പ് നല്‍കിയിട്ടുണ്ട്.
എല്ലാ ഇന്റര്‍നെറ്റ്, മൊബൈല്‍ പണമിടപാടുകളും ഇതില്‍ ഉള്‍പ്പെടും. റിപ്പോര്‍ട്ടുകള്‍ പ്രകാരം, ഏത് വിദേശ പണമിടപാടിനും ആറ് ദിനാര്‍ ചെലവാകും. അതിനിടെ, ബിസിനസ്സുകളും ഉപഭോക്താക്കളും വ്യാപകമായി ഉപയോഗിക്കുന്ന വെബ് കണക്ഷനുകള്‍ ഉപയോഗിച്ച് നടത്തുന്ന പേയ്‌മെന്റുകള്‍ക്ക് നിരക്ക് ഈടാക്കില്ലെന്ന് നിരവധി ബാങ്കുകള്‍ പ്രഖ്യാപിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല