ഒമാനിലെ പു​തി​യ തൊ​ഴി​ൽ ​നി​യ​മം തൊ​ഴി​ലാ​ളി​യു​ടെ​യും ഉ​ട​മ​യു​ടെ​യും താ​ൽ​പ​ര്യം സം​ര​ക്ഷി​ക്കുമെന്ന് സു​ൽ​ത്താ​ൻ

സ്വന്തം ലേഖകൻ: സ​ർ​ക്കാ​ർ പു​തു​താ​യി ത​യാ​റാ​ക്കി​യ തൊ​ഴി​ൽ​നി​യ​മം തൊ​ഴി​ലാ​ളി​യു​ടെ​യും ഉ​ട​മ​യു​ടെ​യും താ​ൽ​പ​ര്യ​ങ്ങ​ൾ സം​ര​ക്ഷി​ക്കു​മെ​ന്ന് ഒ​മാ​ൻ ഭ​ര​ണാ​ധി​കാ​രി സു​ൽ​ത്താ​ൻ ഹൈ​തം ബി​ൻ താ​രി​ഖ്. അ​ൽ ബ​റ​ഖ കൊ​ട്ടാ​ര​ത്തി​ൽ ന​ട​ന്ന മ​ന്ത്രി​സ​ഭാ​യോ​ഗ​ത്തെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു സു​ൽ​ത്താ​ൻ. പു​തി​യ തൊ​ഴി​ൽ​നി​യ​മം നി​ക്ഷേ​പം പ്രോ​ത്സാ​ഹി​പ്പി​ക്കാ​ൻ സ​ഹാ​യ​ക​മാ​വും. തൊ​ഴി​ലാ​ളി​ക​ൾ​ക്കും തൊ​ഴി​ൽ ഉ​ട​മ​ക്കും ഇ​ട​യി​ൽ സ​ന്തു​ലി​ത​ത്വം ഉ​ണ്ടാ​ക്കും. അ​തോ​ടൊ​പ്പം തൊ​ഴി​ല​ന്വേ​ഷ​ക​ർ​ക്ക് സ്വ​കാ​ര്യ മേ​ഖ​ല​യി​ൽ തൊ​ഴി​ലെ​ടു​ക്കു​ന്ന​ത് പ്രോ​ത്സാ​ഹി​പ്പി​ക്കു​ക​യും ചെ​യ്യു​മെ​ന്ന് സു​ൽ​ത്താ​ൻ പ​റ​ഞ്ഞു.

രാ​ജ്യ​ത്ത് തൊ​ഴി​ൽ അ​വ​സ​ര​ങ്ങ​ൾ വ​ർ​ധി​പ്പി​ക്കാ​നു​ള്ള ശ്ര​മ​ങ്ങ​ളി​ൽ സു​ൽ​ത്താ​ൻ സം​തൃ​പ്തി പ്ര​ക​ടി​പ്പി​ച്ചു. ഇ​ത്ത​രം ശ്ര​മ​ങ്ങ​ൾ വ​ർ​ധി​പ്പി​ക്കു​ന്ന​തി​ന്‍റെ പ്രാ​ധാ​ന്യ​വും അ​ദ്ദേ​ഹം നി​ർ​ദേ​ശി​ച്ചു. പു​തി​യ തൊ​ഴി​ൽ​നി​യ​മം വി​വി​ധ മേ​ഖ​ല​ക​ളി​ൽ സ്വ​ദേ​ശി​ക​ൾ​ക്ക് തൊ​ഴി​ല​വ​സ​രം സൃ​ഷ്ടി​ക്കു​ന്ന​തി​നു​ള്ള ശ്ര​മ​ങ്ങ​ൾ വേ​ഗ​ത്തി​ലാ​ക്കും. വേ​ത​ന സ​ബ്സി​ഡി, സ​ർ​ക്കാ​ർ മേ​ഖ​ല​ക​ളി​ൽ താ​ൽ​ക്കാ​ലി​ക അ​ടി​സ്ഥാ​ന​ത്തി​ൽ തൊ​ഴി​ല​വ​സ​രം സൃ​ഷ്ടി​ക്ക​ൽ, സ​ർ​ക്കാ​ർ സ്ഥാ​പ​ന​ങ്ങ​ളി​ൽ ഒ​രു ദ​ശ​ല​ക്ഷം മ​ണി​ക്കൂ​ർ പാ​ർ​ട്ട് ടൈം ​ജോ​ലി​ക​ൾ ഉ​ണ്ടാ​ക്ക​ ൽ എ​ന്നി​വ പു​തി​യ തൊ​ഴി​ൽ നി​യ​മ​ത്തി​ലു​ണ്ട്. 2

050ഓ​ടെ കാ​ർ​ബ​ൺ​ര​ഹി​ത ഒ​മാ​ൻ ന​ട​പ്പാ​ക്കാ​നു​ള്ള പ​ദ്ധ​തി​ക്കും സു​ൽ​ത്താ​ൻ അം​ഗീ​കാ​രം ന​ൽ​കി. ഈ ​ല​ക്ഷ്യം നേ​ടാ​നു​ള്ള ദേ​ശീ​യ പ​ദ്ധ​തി​യു​ടെ ഭാ​ഗ​മാ​യി ഒ​മാ​ൻ സ​സ്​​റ്റൈ​ന​ബി​ലി​റ്റി സെ​ന്റ​ർ സ്ഥാ​പി​ക്കാ​നും ഉ​ത്ത​ര​വി​ട്ടു. കാ​ർ​ബ​ൺ​ര​ഹി​ത ഒ​മാ​നു​വേ​ണ്ടി​യു​ള്ള പ​ദ്ധ​തി​ക​ൾ​ക്കും പ്ലാ​നു​ക​ൾ​ക്കും മേ​ൽ​നോ​ട്ടം വ​ഹി​ക്കു​ന്ന​തും ന​ട​പ്പാ​ക്കു​ന്ന​തും ഒ​മാ​ൻ സ​സ്റ്റൈ​ന​ബി​ലി​റ്റി സെ​ന്റ​ർ ആ​യി​രി​ക്കും. യോ​ഗ​ത്തി​ല ഉ​പ​പ്ര​ധാ​ന​മ​ന്ത്രി​മാ​ര്‍, മ​ന്ത്രി​സ​ഭാം​ഗ​ങ്ങ​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.