സ്വന്തം ലേഖകൻ: ഉപയോക്താക്കള്‍ക്കായി പുത്തന്‍ ഫീച്ചര്‍ അവതരിപ്പിക്കാനൊരുങ്ങി വാട്‌സാപ്പ്. ഡിസപ്പിയറിങ് മെസേജുകള്‍ സേവ് ചെയ്യാന്‍ ഉപയോക്താക്കളെ സഹായിക്കുന്ന ‘കെപ്റ്റ് മെസേജസ്’ എന്ന പുതിയ ഫീച്ചറിന്റെ പണിപ്പുരയിലാണ് വാട്‌സാപ്പെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ചാറ്റുകളിലെ സന്ദേശങ്ങള്‍ നിശ്ചിത ദിവസങ്ങള്‍ക്ക് ശേഷം നീക്കം ചെയ്യപ്പെടുന്ന സംവിധാനമാണ് ഡിസപ്പിയറിങ് മെസേജുകള്‍. 24 മണിക്കൂര്‍, ഏഴ് ദിവസം, 90 ദിവസം എന്നിങ്ങനെ സമയപരിധി നിശ്ചയിക്കാം.
ചാറ്റുകളില്‍ സന്ദേശങ്ങള്‍ കുന്നുകൂടുന്നത് ഒഴിവാക്കാന്‍ ഈ സംവിധാനം പ്രയോജനപ്പെടുത്താമെന്നതാണ് പ്രധാന നേട്ടം. സമയപരിധി അവസാനിക്കുന്നതോടെ സന്ദേശങ്ങള്‍ സ്വമേധയാ ഡിലീറ്റ് ചെയ്യപ്പെടും.
ഡിസപ്പിയറിങ് മെസേജ് ഫീച്ചറില്‍ ഉപയോക്താക്കള്‍ക്ക് കൂടുതല്‍ നിയന്ത്രണം നല്‍കുന്ന ഫീച്ചറാകും പുതിയതെന്നാണ് ലഭിക്കുന്ന വിവരങ്ങള്‍. കെപ്റ്റ് മെസേജുകള്‍ സ്വമേധയാ ഡിലീറ്റ് ആകില്ലെന്നും ബുക്ക്മാര്‍ക്ക് ചെയ്ത് സേവ് ചെയ്ത് വെക്കാന്‍ സാധിക്കുമെന്നും റിപ്പോര്‍ട്ടുകള്‍ വിശദീകരിക്കുന്നു.
ബീറ്റാ ടെസ്റ്റ് യൂസേഴ്‌സിനും ഫീച്ചര്‍ ഇതുവരെ ലഭ്യമാക്കിയിട്ടില്ല. എന്നുമുതല്‍ ഫീച്ചര്‍ ലഭ്യമാകുമെന്നതിലും കൃത്യമായ വിവരങ്ങള്‍ പുറത്തുവന്നിട്ടില്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല