സ്വന്തം ലേഖകൻ: തൊഴിൽ നഷ്ട ഇൻഷുറൻസ് ജൂൺ 30ന് അകം എടുത്തില്ലെങ്കിൽ പിഴ. പൊതു, സ്വകാര്യ മേഖലയിലെ എല്ലാ ജീവനക്കാരും തൊഴിൽ നഷ്ട ഇൻഷുറൻസ് എടുക്കണം. ജനുവരി ഒന്നു മുതൽ ഇൻഷുറൻസിൽ ചേരാൻ അവസരം നൽകിയിരുന്നു. തൊഴിൽ നഷ്ടപ്പെടുന്ന സാഹചര്യത്തിൽ പ്രവാസികൾക്ക് സാമ്പത്തിക സുരക്ഷിതത്വം നൽകുന്നതിനാണ് ഇൻഷുറൻസ്.
ഇൻഷുറൻസ് എടുക്കാത്തവരിൽ നിന്ന് പിഴത്തുക ശമ്പളത്തിൽ നിന്നോ സർവീസ് ആനുകൂല്യത്തിൽ നിന്നോ പിടിക്കും. 3 തരത്തിലുള്ള പിഴയാണ് നൽകേണ്ടത്. ജൂൺ 30നു മുൻപ് പദ്ധതിയിൽ ചേർന്നില്ലെങ്കിൽ 400 ദിർഹമാണ് പിഴ. പ്രീമിയം അടയ്ക്കേണ്ട ദിവസം കഴിഞ്ഞ് 3 മാസവും കഴിഞ്ഞിട്ടും തുക അടച്ചില്ലെങ്കിൽ 200 ദിർഹം , പ്രീമിയം അടയ്ക്കുന്നതിൽ വീഴ്ച വരുത്തിയാൽ ഇൻഷുറൻസ് പരിരക്ഷയും നഷ്ടമാകും. ഇൻഷുറൻസ് തുക ലഭിക്കുന്നതിനു തടസ്സം നിൽക്കുന്ന തൊഴിൽദാതാവിന് 20,000 ദിർഹം പിഴ ലഭിക്കും.
ഇൻഷുറൻസ് എടുക്കുന്നവർക്ക് തൊഴിൽ നഷ്ടപ്പെട്ടാലും ലഭിച്ചുകൊണ്ടിരുന്ന ശമ്പളത്തിന്റെ 60% മൂന്നു മാസം വരെ നഷ്ടപരിഹാരമായി ലഭിക്കും. ഒരു വർഷമെങ്കിലും പ്രീമിയം അടച്ചവർക്ക് മാത്രമേ ഇൻഷുറൻസിന് അർഹതയുള്ളൂ. തൊഴിൽ നഷ്ടപ്പെട്ട് 30 ദിവസത്തിനകം അനുബന്ധ രേഖകൾ നഷ്ടപരിഹാരം ലഭിക്കുന്നതിന് നൽകണം.
16000 ദിർഹത്തിനു താഴെയാണ് ശമ്പളമെങ്കിൽ വർഷം നികുതി ഉൾപ്പെടെ 63 ദിർഹവും 16000 ദിർഹത്തിനു മുകളിലാണ് ശമ്പളമെങ്കിൽ വർഷം 126 ദിർഹവുമാണ് പ്രീമിയം. ഇൻഷുറൻസ് വെബ്സൈറ്റായ https://www.diniloe.ae/nsure/login/#/ലോഗ് ഇൻ ചെയ്തു പ്രീമിയം തുക അടയ്ക്കാം. മണി എക്സ്ചേഞ്ച് സെന്റർ, എടിഎം മെഷീൻ എന്നിവയിലും പണമടയ്ക്കാം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല