സ്വന്തം ലേഖകൻ: വേനൽ രാജ്യത്ത് കടുത്ത് വരുന്ന സാഹചര്യത്തിലാണ് ഡെലിവറി ജീവനക്കാർക്കും ഉച്ചവിശ്രമ സമയം ബാധകമാണെന്ന് ഖത്തർ അറിയിച്ചത്. ഇവരുടെ ആരോഗ്യ മുൻകരുതൽ ഉറപ്പാക്കുന്നതിന്റെ ഭാഗമായാണ് ഇത്തരത്തിലൊരു തീരുമാനം സ്വീകരിക്കാൻ സർക്കാരും കമ്പനികളും തീരുമാനിക്കുന്നത്.
വേനൽക്കാല ചട്ടങ്ങൾ പ്രകാരം രാവിലെ 10 മുതൽ ഉച്ചയ്ക്ക് 3.30 വരെ ബൈക്കുകളിൽ ഫുഡ് ഡെലിവറി പാടില്ല. ഈ സമയങ്ങളിൽ ഭക്ഷണ ഡെലിവറിക്കായി കാർ മാത്രമേ ഉപയോഗിക്കാൻ പാടുള്ളു. ജീവനക്കാരുടെ ആരോഗ്യ സുരക്ഷ ഉറപ്പാക്കാൻ കരുതൽ നടപടികൾ സ്വീകരിക്കണം.
കഴിഞ്ഞ വർഷം മുതലാണ് ഡെലിവറി ജീവനക്കാർക്ക് ഉച്ചവിശ്രമ സമയം ബാധകമായത്. വേനൽകാലത്ത് പുറത്ത് ജോലി ചെയ്യുന്നവരുടെ ആരോഗ്യ സംരക്ഷണത്തിന്റെ ഭാഗമായാണ് ഈ തീരുമാനം. ജൂൺ 1 മുതൽ സെപ്റ്റംബർ 15 വരെ രാവിലെ 10.00 മുതൽ ഉച്ചയ്ക്ക് 3.30 വരെ പുറം ജോലികൾക്ക് വിലക്കേർപ്പെടുത്തിയിട്ടുണ്ട്.
ഷെഡ്യൂൾ അനുസരിച്ചായിരിക്കും ജോലി. വിശ്രമം അനുവദിച്ചും ശീതീകരണ സംവിധാനമുള്ള ഹെൽമറ്റുകൾ നൽകിയും പല തരത്തിലുള്ള സൗകര്യങ്ങൾ ജീവനക്കാർക്ക് ഒരുക്കിയിട്ടുണ്ട്. മിക്കകമ്പനികളും സർക്കാർ നിർദേശം പാലിച്ച് പകൽ സമയത്ത് ബെെക്കിന് പകരം കാർ ആണ് ജീവനക്കാർക്ക് നൽകുന്നത്. ഓർഡർ റെഡിയാകുന്നത് വരെ റസ്റ്ററന്റുകൾ ഡെലിവറി ജീവനക്കാർക്ക് വെള്ളവും, വിശ്രമ സ്ഥലവും ഒരുക്കിയിട്ടുണ്ട്. ]
കമ്പനികളുടെ മുൻകരുതൽ നടപടികളും സർക്കാരിന്റെ ഉച്ചവിശ്രമ വ്യവസ്ഥയും റസ്റ്ററന്റുകളുടെ പിന്തുണ കൊണ്ട് മാത്രമാണ് ഈ കൊടും ചൂടിലും ജോലി ചെയ്യാൻ സാധിക്കുന്നതെന്ന് ജീവനക്കാർ പറഞ്ഞതായി മനോരമ റിപ്പോർട്ട് ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല