സ്വന്തം ലേഖകൻ: സൗദി അൽ അഹ്സയിൽ ഉണ്ടായ അഗ്നിബാധയിൽ മരിച്ചവരുടെ എണ്ണം പത്തായി. അപകടത്തിൽ മരിച്ചവരിൽ മലയാളിയും ഉൾപ്പെടുന്നു. തിരുവനന്തപുരം നെടുമങ്ങാട് അഴീക്കോട്‌ താമസിക്കുന്ന പൂന്തുറ സ്വദേശി നിസാം എന്ന അജ്മൽ ഷാജഹാൻ ആണ് മരിച്ചത്. അല്‍ അഹ്സ ഹുഫൂഫിലെ ഇന്‍ഡസ്ട്രീയല്‍ മേഖലയിലെ വര്‍ക്ക്‌ഷോപ്പിൽ ആണ് തീപിടുത്തം ഉണ്ടായത്. 10 പേരാണ് അപകടത്തിൽ വെന്തുമരിച്ചത്.
ഇന്നലെ വെെകുന്നേരം ആണ് അപകടം സംഭവിച്ചത്. അപകടത്തിൽ മരിച്ച അഞ്ച് പേര്‍ ഇന്ത്യക്കാരും മൂന്ന് പേര്‍ ബംഗ്ലാദേശ് പൗരന്മാരുമാണ്.. വര്‍ക് ഷോപ്പിന് മുകളില്‍ താമസിച്ചിരുന്നവരാണ് മരിച്ചവർ എല്ലാവരും. വർക് ഷോപ്പ് ജീവനക്കാരായിരുന്നു ഇവർ. വെള്ളിയാഴ്ച അവധിയായതിനാല്‍ വ്യാഴാഴ്ച പുലർച്ചവരെ ജോലി ഉണ്ടായിരുന്നു. ഇവർ കിടന്നുറങ്ങുമ്പോൾ ആണ് തീ പടർന്നത്. വര്‍ക് ഷോപ്പിൽ നിന്ന് സമീപപ്രദേശത്തേക്കും തീ പടർന്നു.
വിവിധ കേന്ദ്രങ്ങളിൽ നിന്നുള്ള പത്തോളം അഗ്നിശമനാ വിഭാഗമെത്തിയാണ് തീ നിയന്ത്രണ വിധേയമാക്കിയത്. ഉറക്കത്തിൽ ആയതിനാൽ ആരും വലിയ രീതിയിൽ തീ പടർന്നത് ശ്രദ്ധിച്ചില്ല. വർക്ക് ഷേപ്പിന്റെ മുകളിൽ ഉള്ള താമസ കേന്ദ്രത്തിലായിരുന്നു തൊഴിലാളികളായ ഇവർ താമസിച്ചിരുന്നത്. തീ അണച്ച ശേഷം താമസ കേന്ദ്രങ്ങളിൽ നിന്ന് മൃതദേഹങ്ങൾ ആശുപത്രിയിലേക്ക് മാറ്റി. അജ്മൽ ഷാജഹാന്റെ ഭാര്യ: നജീമാ ബീവി. മക്കൾ: മുഹമ്മദ്‌ അജ്മൽ, അൽസൽന, അഫ്സൽ.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല