സ്വന്തം ലേഖകൻ: സൗദിയിൽ സ്വദേശിവത്കരണം കൂടുതൽ ശക്തമാക്കുന്നതിനും, കൂടുതൽ മേഖലയിലേക്ക് സ്വദേശികളെ കൊണ്ടുവരുന്നതിന് വേണ്ടിയുള്ള പ്രവർത്തനങ്ങൾ ആണ് ഇപ്പോൾ നടക്കുന്നത്. ഇതിന് വേണ്ടി 45 തീരുമാനങ്ങൾ സൗദി മാനവ വിഭവശേഷി മന്ത്രാലയം പുറത്തിറക്കി. ആറ് മന്ത്രാലയങ്ങൾ ചേർന്നാണ് സ്വദേശിവത്കരണ പ്രക്രിയകൾ പൂർത്തിയാക്കാൻ തീരുമാനിച്ചിരിക്കുന്നത്.
എൻജിനീയറിങ് തൊഴിലുകളിൽ സ്വദേശികളുടെ എണ്ണം ഉയർത്താൻ ആണ് തീരുമാനിച്ചിരിക്കുന്നത്. 40,000 പേർ ആണ് ഇപ്പോൾ ജോലി ചെയ്യുന്നത് ഇത് 70,000 ആക്കാൻ ആണ് തീരുമാനിച്ചിരിക്കുന്നത്. അക്കൗണ്ടിങ് തൊഴിലുകളിൽ 420000 പേർ ആണ് ഇപ്പോൾ ജോലി ചെയ്യുന്നത് ഇത് 1,03,000 ആയി വർധിക്കാനും തീരുമാനിച്ചിട്ടുണ്ട്. നിരവധി സംരംഭങ്ങളിലൂടെ തൊഴിൽ വിപണിയിൽ സ്വദേശികളടെ പങ്കാളിത്തം വർധിപ്പിക്കാനുള്ള ശ്രമങ്ങൾ ആണ് നടത്തിയിരിക്കുന്നത്.
തൊഴിൽ മന്ത്രാലയം പുറത്തിറക്കുന്ന ‘തൊഴിൽ വിപണി ബുള്ളറ്റിനിൽ ആണ് ഇതിന്റെ കണക്കുകൾ പുറത്തുവന്നിരിക്കുന്നത്. 2023 രണ്ടാം പാദത്തിൽ മൊത്തത്തിലുള്ള തൊഴിലില്ലായ്മ നിരക്ക് 8.3 ശതമാനമായി കുറയാൻ കാരണമായി. രാജ്യത്തെ തൊഴിൽ വിപണിയെ ഉയർത്താൻ വേണ്ടിയും തൊഴലാളികളെ തൊഴിൽ മേഖലയിലേക്ക് ആകർശിക്കാൻ വേണ്ടിയും വിവിധ തരത്തിലുള്ള പദ്ധതികൾ ആണ് കൊണ്ടുവരുന്നത്.
തൊഴിലന്വേഷകർക്ക് ആകർഷകമായ വിപണി ഒരുക്കാനും മത്സരാധിഷ്ഠിതമായ ഒരു അന്തരീക്ഷം ഒരുക്കാനും ആണ് സൗദി ലക്ഷ്യം വെക്കുന്നത്. വിഷൻ 2030 കെെവരിക്കുന്നതിന് വേണ്ടിയാണ് ഇത്തരത്തിലൊരു സംവിധാനം കൊണ്ടുവരാൻ തീരുമാനിച്ചിരിക്കുന്നത്. 2022ലെ തൊഴിലാളികളുടെ ഉൽപാദനക്ഷമതയുടെ വളർച്ച ജി 20 രാജ്യങ്ങളിൽ സൗദി ഒന്നാം സ്ഥാനം സ്വന്തമാക്കി. സൗദിയിലെ വനികൾക്ക് ഇടയിൽ തൊഴിലില്ലായ്മ നിരക്ക് കുറഞ്ഞു. 15.7 ശതമാനമായി ആണ് കുറഞ്ഞിരിക്കുന്നത്.
2025 ആകുന്നതോടെ തൊഴിൽ ഇല്ലായ്മ കുറക്കും. 300 തൊഴിൽ മേഖലകളിൽ 2000 വിദഗ്ധ ജോലികളിലെ നിലവാരം ഉയർത്താൻ വേണ്ടിയുള്ള പദ്ധതികൾ ആണ് കൊണ്ടു വരുന്നത്. താഴ്ന്ന തലത്തിലുള്ള കഴിവുകൾ വികസിപ്പിക്കുന്നതിന് വേണ്ടിയുള്ള പ്രവർത്തനങ്ങൾ ഇപ്പോൾ നടത്തുന്നുണ്ട്. ‘സ്കിൽസ് ആക്സിലറേറ്ററും പരിശീലന വൗച്ചർ’ എന്ന പരിപാടി വരാൻ പോകുന്ന പദ്ധതിയാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല