സ്വന്തം ലേഖകൻ: ഓഗസ്റ്റ് 17 മുതല്‍ ദുബായ് മെട്രോ ടിക്കറ്റ് ഓഫീസുകളില്‍ നോല്‍ കാര്‍ഡിന്‍റെ ഏറ്റവും കുറഞ്ഞ ടോപ്പ് അപ്പ് തുക 50 ദിര്‍ഹമായി വര്‍ധിപ്പിക്കുമെന്ന് ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ) അറിയിച്ചു. മെട്രോ സ്റ്റേഷനുകളിലെ ടിക്കറ്റിങ് ഓഫീസുകളില്‍ നിങ്ങളുടെ നോല്‍ കാര്‍ഡ് ടോപ്പ് അപ്പ് ചെയ്യുകയാണെങ്കില്‍ മാത്രമേ ഈ കുറഞ്ഞ തുക ബാധകമാകൂ.
കുറഞ്ഞ തുകയ്ക്ക് നോല്‍ കാര്‍ഡ് ടോപ്പ് അപ്പ് ചെയ്യാന്‍ ആഗ്രഹിക്കുന്നവര്‍ക്ക്, ഒന്നിലധികം ഓണ്‍ലൈന്‍ ഓപ്ഷനുകളിലൂടെ അത് ചെയ്യാമെന്നും അധികൃതര്‍ അറിയിച്ചു. ഓണ്‍ലൈനില്‍ ടോപ്പ് അപ്പ് ചെയ്യുന്നതിലൂടെ സമയവും പണവും ലാഭിക്കാം. മൂന്ന് വഴികളിലൂടെ ഓണ്‍ലൈനില്‍ നോല്‍ കാര്‍ഡുകള്‍ റീചാര്‍ജ് ചെയ്യാം:
- നോല്‍ പേ (Nol Pay) ആപ്പ്
നിങ്ങളുടെ സ്മാര്ട്ട്ഫോണില് സൗജന്യമായി നോല്‍ പേ ആപ്പ് ഡൗണ്‍ലോഡ് ചെയ്യും.ആപ്പ് തുറന്ന് ‘കാര്‍ഡ് വിവരം പരിശോധിക്കുക’ എന്നതില്‍ ടാപ്പുചെയ്ത് നിങ്ങളുടെ ഫോണിന്‍റെ സ്‌ക്രീനില്‍ ബാലന്‍സ് ദൃശ്യമാകുന്നത് വരെ നിങ്ങളുടെ സ്മാര്ട്ട്ഫോണില് നോല്‍ കാര്‍ഡ് സ്‌കാന്‍ ചെയ്യുക.
‘ടോപ്പ്-അപ്പ് നോള്‍ കാര്‍ഡ്’ എന്നതില്‍ ടാപ്പ് ചെയ്ത് കാര്‍ഡ് വീണ്ടും ഫോണിന്‍റെ പിന്‍ഭാഗത്ത് സ്‌കാന്‍ ചെയ്യുക. ആഗ്രഹിക്കുന്ന ടോപ്പ്-അപ്പ് തുക നല്‍കി സ്ഥിരീകരിക്കുക. ആപ്പിന്‍റെ സുരക്ഷിത പേയ്മെന്‍റ് പോര്‍ട്ടല്‍ ഉപയോഗിച്ച് നിങ്ങളുടെ ക്രെഡിറ്റ് അല്ലെങ്കില്‍ ഡെബിറ്റ് കാര്‍ഡ് വിശദാംശങ്ങള്‍ ഉപയോഗിച്ച് പണമടയ്ക്കാം. അപ്പോള്‍ തന്നെ റീ ചാര്‍ജ് തുക കാര്‍ഡില്‍ പ്രതിഫലിക്കും.
- ആര്‍ടിഎ വെബ്സൈറ്റ്
ആര്‍ടിഎ വെബ്സൈറ്റ് സന്ദര്‍ശിക്കുക (rta.ae)
ഹോംപേജില്‍, ‘ചെക്ക് നോള്‍ ബാലന്‍സ്’ ക്ലിക്ക് ചെയ്ത് കാര്‍ഡിലെ ബാലന്‍സ് പരിശോധിക്കാം. റീചാര്‍ജ് ലിങ്കില്‍ കയറി നോല്‍ കാര്‍ഡ് ഐഡിയും ഇമെയില്‍ വിലാസവും നല്‍കുക.
വിശദാംശങ്ങള്‍ സ്ഥിരീകരിച്ച് ശേഷം ക്രെഡിറ്റ് / ഡെബിറ്റ് കാര്‍ഡ് ഉപയോഗിച്ച് പണം നല്‍കുക. ബാലന്‍സ് ആക്ടീവാകുന്നതിന് 45 മിനിറ്റ് മുതല്‍ നാല് മണിക്കൂര്‍ വരെ സമയം എടുക്കും. ഉടനടി സജീവമാക്കുന്നതിന് നിങ്ങളുടെ കാര്‍ഡ് മെട്രോ ഗേറ്റിലോ പാര്‍ക്കിങ് മെഷീനിലോ സോളാര്‍ ടോപ്പ്-അപ്പ് മെഷീനിലോ ഉപയോഗിക്കുക.
- ‘ആര്‍ടിഎ ദുബായ്’ ആപ്പ്
‘ആര്‍ടിഎ ദുബായ്’ ആപ്പ് ഡൗണ്‍ലോഡ് ചെയ്ത് യുഎഇ പാസ് അക്കൗണ്ട് ഉപയോഗിച്ച് ലോഗിന്‍ ചെയ്യുക. ഹോംപേജിലേക്ക് പോയി ‘പൊതു ഗതാഗത ഉപയോക്താക്കള്‍’ എന്നത് താഴേക്ക് സ്‌ക്രോള്‍ ചെയ്ത് ‘ടോപ്പ് അപ്പ്’ ടാപ്പ് ചെയ്യുക.
നോള്‍ കാര്‍ഡ് ടാഗ് ഐഡിയും ഇമെയില്‍ വിലാസവും നല്‍കുക, ടോപ്പ്-അപ്പ് തുക തിരഞ്ഞെടുക്കുക, നിങ്ങളുടെ പേയ്മെന്‍റ് രീതി തിരഞ്ഞെടുക്കുക. റീചാര്‍ജ് ആക്ടീവ് ആകാന്‍ വെബ്‌സൈറ്റിലേതു പോലെ കുറഞ്ഞത് 45 മിനുട്ട് സമയമെടുക്കും.
ക്യാഷ് ടോപ്പ്-അപ്പുകള്‍
ഓണ്‍ലൈന്‍ ടോപ്പ്-അപ്പുകള്‍ക്കു പുറമെ, വിവിധ സ്ഥലങ്ങളില്‍ പണം ഉപയോഗിച്ച് നിങ്ങളുടെ നോള്‍ കാര്‍ഡ് ടോപ്പ്-അപ്പ് ചെയ്യാം: ദുബായ് മെട്രോ സ്റ്റേഷനുകളില്‍ നോല്‍ കാര്‍ഡ് വെന്‍ഡിംഗ് മെഷീനുകള്‍. പെട്രോള്‍ സ്റ്റേഷനുകള്‍. ചില പ്രാദേശിക പലചരക്ക് കടകള്‍, മിനി-മാര്‍ട്ടുകള്‍, കഫെറ്റീരിയകള്‍, സൂപ്പര്‍മാര്‍ക്കറ്റുകള്‍.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല