സ്വന്തം ലേഖകൻ: കേരള സെക്ടറുകളില്‍ ഉള്‍പ്പെടെ അഞ്ച് സെക്ടറുകളിലേക്ക് ഏകദിന ഫ്ലാഷ് സെയിൽ പ്രഖ്യാപിച്ച് ഒമാന്‍ ദേശീയ വിമാന കമ്പനിയായ ഒമാന്‍ എയര്‍. ഇന്ന്, ഒക്‌ടോബർ 1ന് ബുക്ക് ചെയ്യുന്നവർക്ക് കേരളം ഉൾപ്പെടെയുള്ള 5 പ്രധാന സെക്ടറുകളിലേക്ക് 22 റിയാലിന് ടിക്കറ്റ് ലഭിക്കും.
കോഴിക്കോട്, തിരുവനന്തപുരം, അമ്മാന്‍, ദമാം, കറാച്ചി സെക്ടറുകളില്‍ ഒക്ടോബര്‍ ഒന്നിനും നവംബര്‍ 30നും ഇടയില്‍ യാത്ര ചെയ്യുന്നവര്‍ക്കാണ് ഈ നിരക്കില്‍ ടിക്കറ്റ് ലഭിക്കുകയെന്നും കമ്പനി അറിയിച്ചു. അടുത്ത മാസങ്ങളില്‍ നാടണയാനിരിക്കുന്ന പ്രവാസികള്‍ക്ക് ഏറെ ഗുണകരമാകുന്നതാണ് ഏകദിന ഫ്ലാഷ് സെയില്‍ എന്നാണ് വിലിയുരത്തപ്പെടുന്നത്.
എയർ അറേബ്യ ടിക്കറ്റ് നിരക്ക് കുറച്ച് പ്രഖ്യാപനം എത്തിയപ്പോൾ പലരും കണക്ഷൻ വിമാനങ്ങൾ വഴി നാട്ടിലേക്ക് പോകാൻ ചിന്തിച്ചിരുന്നു. അപ്പോഴാണ് ഒമാൻ എയർ ഓഫറുമായി എത്തിയിരിക്കുന്നത്. ‘സൂപ്പര്‍ സീറ്റ് സെയില്‍’ എന്ന് പേര് നൽകിയാണ് എയർ അറേബ്യ ടിക്കറ്റ് സെയിൽ പ്രഖ്യാപിച്ചിരിക്കുന്നത്. ആദ്യം ബുക്ക് ചെയ്യുന്ന അഞ്ച് ലക്ഷം ടിക്കറ്റുകൾക്ക് നിരക്കിളവ് ലഭിക്കും.
129 ദിര്‍ഹം എന്ന നിരക്കില്‍ യാത്രക്കാര്‍ക്ക് ടിക്കറ്റ് നൽകുന്നത്. ഒക്ടോബർർ 20 വരെയാണ് ടിക്കറ്റ് എടുക്കാൻ സമയം നൽകിയിരിക്കുന്നത്. ഈ ടിക്കറ്റ് ഉപയോഗിച്ച് 2025 മാര്‍ച്ച് 1 മുതല്‍ 2025 ഒക്ടോബര്‍ 25 വരെയുള്ള ഏത് സമയത്തും യാത്ര ചെയ്യാവുന്നതാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല