സ്വന്തം ലേഖകൻ: കുവൈത്ത് ഇന്ത്യന്‍ എംബസിയുടെ അടുത്ത ഓപ്പണ്‍ ഹൗസ് വ്യാഴാഴ്ച ദയ്യായിലുള്ള ആസ്ഥാനത്ത് വച്ച് നടക്കും. രാവിലെ 10.30 മണി മുതല്‍ റജിസ്‌ട്രേഷന്‍ ആരംഭിക്കും. 11.30-ന് സ്ഥാനപതി ഡേ:ആദര്‍ശ് സൈ്വക, ലേബര്‍, കോണ്‍സുലര്‍ വിഭാഗം മേധാവിമാര്‍ അടക്കം പരാതികള്‍ സ്വീകരിക്കും.
കുവൈത്ത് റോഡുകളിൽ അശ്രദ്ധമായും നിയമങ്ങൾ ലംഘിച്ചും വാഹനമോടിക്കുന്നവർക്ക് ഇനി രക്ഷയില്ല. അവരെ പിടികൂടി നിയമത്തിനു മുന്നിൽ കൊണ്ടുവരാൻ വലവിരിച്ചിരിക്കുകയാണ് കുവൈത്ത് ട്രാഫിക് അധികൃതർ. മൊബൈൽ ഫോൺ ഉപയോഗിക്കുന്നവരെയും സീറ്റ് ബെൽറ്റ് ധരിക്കാത്തവരെയും കണ്ടെത്താൻ ട്രാഫിക് ഡിപ്പാർട്ട്‌മെൻ്റ് നൂതന ആർട്ടിഫിഷ്യൽ ഇൻ്റലിജൻസ് എയ്ഡഡ് ക്യാമറകൾ സ്ഥാപിക്കാൻ തുടങ്ങിയതായി ട്രാഫിക് വിഭാഗം ഉദ്യോഗസ്ഥർ അറിയിച്ചു.
വിവിധ റോഡുകളിൽ ഡ്രൈവർമാർ വേഗപരിധി പാലിക്കുന്നുണ്ടോയെന്ന് നിർണ്ണയിക്കാൻ കഴിയുന്ന സ്മാർട്ട് “പോയിൻ്റ്-ടു-പോയിൻ്റ്” ക്യാമറകളും ട്രാഫിക് ഡിപ്പാർട്ട്‌മെൻ്റ് സ്ഥാപിച്ചിട്ടുണ്ട്. കർശന ശിക്ഷാ നടപടികൾ ഉൾക്കൊള്ളുന്ന പുതിയ ട്രാഫിക് നിയമം നടപ്പിലാക്കുന്നതിന് മുന്നോടിയായാണ് ഈ നടപടികൾ. കരട് ട്രാഫിക് നിയമപ്രകാരം ട്രാഫിക് നിയമലംഘകർക്കുള്ള പിഴയും പിഴയും പലമടങ്ങ് വർധിപ്പിച്ചിട്ടുണ്ട്.
പുതിയ നിയമപ്രകാരം, ഡ്രൈവിങ്ങിനിടെ മൊബൈൽ ഫോൺ ഉപയോഗിക്കുന്നതിനുള്ള പിഴ 5 കുവൈത്ത് ദിനാറിൽ നിന്ന് 75 ദിനാർ ആയും സീറ്റ് ബെൽറ്റ് ഉപയോഗിക്കാത്തതിൻ്റെ പിഴ 10 ദിനാറിൽ നിന്ന് 30 ദിനാർ ആയും വർധിപ്പിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല