ഇംഗ്ലീഷ് പ്രീമിയര്‍ ലീഗില്‍ കരുത്തര്‍ ഏറ്റുമുട്ടിയപ്പോള്‍ മത്സരം സമനിലയില്‍. ചെല്‍സിയും മാഞ്ചസ്റ്റര്‍ യുണൈറ്റഡുമാണ് സമനിലയില്‍ പിരിഞ്ഞത്. മൂന്നു ഗോളിന് പിന്നില്‍ നിന്ന ശേഷം ശക്തമായി തിരിച്ചടിച്ചാണ് യുണൈറ്റഡ് സമനില പിടിച്ചുവാങ്ങിയത്. ചെല്‍സിയുടെ ഡേവിഡ് ജിയയുടെ ഷൂട്ടര്‍ യുണൈറ്റഡ് പ്രതിരോധ നിരയിലെ ജോണി ഇവാന്‍സിന്റെ ബുട്ടില്‍ നിന്നും വലയില്‍ വീണാണ് ആദ്യ ഗോള്‍ പിറന്നത്.
പിന്നാലെ ചെല്‍സിക്കായി ജുവാന്‍ മറ്റയും ഡേവിഡ് ലീയും സ്‌കോര്‍ ചെയ്തതോടെ ഫെര്‍ഗ്യൂസനും കൂട്ടരും സീസണിലെ നാണംകെട്ട തോല്‍വി ഏറ്റുവാങ്ങുമെന്ന് തോന്നിച്ചു. എന്നാല്‍ രണ്ടാം പകുതിയില്‍ എതിര്‍ഗോള്‍ മുഖത്തേക്ക് ഇരച്ചുകയറിയ യുണൈറ്റഡ് മുന്‍നിരയ്ക്ക് ലഭിച്ച രണ്ട് പൊനാല്‍റ്റിയും ഗോളാക്കി റൂണി തിരിച്ചടിച്ചു.
കളിതീരാന്‍ ആറ് മിനിറ്റ് ശേഷിക്കെ മെകിസിക്കന്‍ സ്‌ട്രൈക്കര്‍ ഹെര്‍ണാണ്ടസിലൂടെ യുണൈറ്റഡ് സമനില പിടിച്ചു. ഇതോടെ ലീഗില്‍ യുണൈറ്റഡ് രണ്ടാം സ്ഥാനം നിലനിര്‍ത്തി. രണ്ട് പോയിന്റിന്റെ ലീഡുമായി മാഞ്ചസ്റ്റര്‍ സിറ്റിയാണ് മുന്നില്‍.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല