ഓണ്‍ലൈന്‍ പല ആവശ്യങ്ങള്‍ക്കും ഉപയോഗിക്കാറുണ്ട്. പലപ്പോഴും ഏറെ വിവാദമാകുന്ന, ഞെട്ടിപ്പിക്കുന്ന കാര്യങ്ങള്‍ക്കുവേണ്ടിയാണ് ഓണ്‍ലൈന്‍ ഉപയോഗിക്കുന്നത്. പെണ്‍വാണിഭം വരെ ഓണ്‍ലൈന്‍ വഴി നടക്കുന്നുണ്ടെന്നാണ് നേരത്തെതന്നെ റിപ്പോര്‍ട്ടുകളുണ്ടായിരുന്നത്. എന്നാല്‍ പുതിയൊരു റിപ്പോര്‍ട്ട് വെളിയില്‍ വരുന്നത് മാരക മയക്കുമരുന്നുകള്‍ ഓണ്‍ലൈന്‍ വിറ്റഴിക്കുന്നുവെന്ന വാര്‍ത്തയാണ്. പ്രധാനമായും ബ്രിട്ടണിലെ ക്രിമിനല്‍സാണ് ഓണ്‍ലൈന്‍ വഴി മയക്കുമരുന്നുകള്‍ സ്വന്തമാക്കുന്നത്.
ഹെറോയിന്‍, കൊക്കെയ്ന്‍ എന്നിവയില്‍ തുടങ്ങി എല്‍എസ്‍‍ഡി തുടങ്ങിയ മരുന്നുകള്‍വരെയാണ് ഉപയോഗിക്കുന്നത്. ഒരു പ്രത്യേക വെബ്സൈറ്റ് വഴിയല്ല ഈ വ്യാപാരം നടക്കുന്നത്. ഇന്റര്‍നെറ്റില്‍ സൗജന്യമായി ലഭിക്കുന്ന സോഫ്റ്റ്വെയര്‍ ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്താല്‍ നിങ്ങള്‍ക്ക് മയക്കുമരുന്ന് കിട്ടാനുള്ള വഴികള്‍ തുറയുന്നതാണ്. ബ്രിട്ടണിലെ അധോലോകത്തെയാണ് ഈ സോഫ്റ്റ്വെയര്‍ വഴി നിങ്ങള്‍ പരിചയപ്പെടാന്‍ പോകുന്നത്. മയക്കുമരുന്നിനെക്കുടാതെ മറ്റ് ആയുധങ്ങള്‍ തീവ്രവാദവുമായി ബന്ധപ്പെട്ട കുറിപ്പുകള്‍ ചൈല്‍ഡ് പോണ്‍ തുടങ്ങിയ കാര്യങ്ങളും ലഭിക്കുന്നതാണ്.
ഈ സോഫ്റ്റ്വെയര്‍ വഴി നിങ്ങള്‍ക്ക് ലളിതമായി അധോലോകകേന്ദ്രങ്ങളെ ബന്ധപ്പെടാനും ഇ-ബേ വഴി ഹെറോയിനോ കൊക്കെയ്നോ ഓര്‍ഡര്‍ ചെയ്യാവുന്നതാണ്. അഫ്ഗാനിസ്ഥാനില്‍ നിന്നും മറ്റുമുള്ള മയക്കുമരുന്നുകള്‍ നിങ്ങള്‍ക്ക് ലഭിക്കാന്‍ വളരെ എളുപ്പമാണെന്നാണ് ഇതില്‍നിന്ന് മനസിലാകുന്നത്. ഡാര്‍ക്ക് വെബ്ബ് എന്ന സൈറ്റുവഴിയാണ് നിങ്ങള്‍ക്ക് ഈ വ്യാപാരം നടത്താന്‍ പറ്റുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല