സാബു ചുണ്ടക്കാട്ടില്‍
മാഞ്ചസ്റ്റര്‍: മാഞ്ചസ്റ്റര്‍ സെന്റ്‌ തോമസ്‌ ആര്‍.സി സെന്ററിലെ പെസഹാ തിരുക്കര്‍മ്മങ്ങള്‍ നാളെ വൈകുന്നേരം 4.30 മുതല്‍ ആരംഭിക്കും. പില്‍ഹാളിലെ സെന്റ്‌ എലിസബത്ത്‌ ദേവാലയത്തില്‍ നടക്കുന്ന ആഘോഷപൂര്‍വ്വമായ ദിവ്യബലിയും കാല്‍കഴുകല്‍ ശ്രുശ്രൂഷയിലും തുടര്‍ന്നു നടക്കുന്ന അപ്പം മുറിക്കലും ശ്രൂശ്ബറി രൂപതാ ചാപ്ലയിന്‍ ഫാ.സജി മലയില്‍ പുത്തന്‍പുര മുഖ്യ കാര്‍മികനാകും.
ദുഖവെള്ളി തിരുക്കര്‍മ്മങ്ങള്‍ വൈകുന്നേരം നാല് മുതല്‍ ആരംഭിക്കും. കുരിശിന്റെ വഴിയും അന്നേദിവസം നടക്കും. ഉയിര്‍പ്പ് തിരുന്നാള്‍ തിരുക്കര്‍മങ്ങള്‍ ഏപ്രില്‍ ഏഴാം തീയതി ശനിയാഴ്ച രാത്രി എട്ട് മുതല്‍ ആരംഭിക്കും. പില്‍ഹാളിലെ സെന്റ്‌ എലിസബത്ത്‌ ദേവാലയത്തിലാണ് തിരുക്കര്‍മ്മങ്ങള്‍ നടക്കുന്നത്.
നമ്മുടെ കര്‍ത്താവ്‌ ഈശോ മിശാഹായുടെ പീഡാനുഭവത്തിന്റെയും മരണത്തിന്റെയും ഉയിര്‍പ്പിന്റെയും മഹനീയമായ തിരുക്കര്‍മ്മങ്ങളില്‍ പങ്കെടുത്ത് അനുഗ്രഹങ്ങള്‍ പ്രാപികുവാന്‍ ഏവരെയും ഫാ.സജി മലയില്‍ സ്വാഗതം ചെയ്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല