ലീഗിന് അഞ്ചാം മന്ത്രിസ്ഥാനം നല്‍കിയതിനേത്തുടര്‍ന്നുള്ള വിവാദം ചൂട് പിടിച്ചിരിക്കെ മുഖ്യമന്ത്രി ഉമ്മന്‍‌ചാണ്ടിയും കെ പി സി സി പ്രസിഡന്റ് രമേശ് ചെന്നിത്തലയും ഡല്‍ഹിയിലേക്ക് പോകും. കേരളത്തിലെ രാഷ്ട്രീയ സ്ഥിതി ഹൈക്കമാന്‍ഡുമായി ചര്‍ച്ച ചെയ്യാനാണു യാത്ര. ഞായറാഴ്ചയാണ് മുഖ്യമന്ത്രി ഡല്‍ഹിയിലേക്ക് തിരിക്കുക. ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണനും മുഖ്യമന്ത്രിയോടൊപ്പം ഉണ്ടാകും. ചെന്നിത്തല തിങ്കളാഴ്ചയായിരിക്കും ഡല്‍ഹിയിലേക്ക് പോവുക.
ലീഗിന് അഞ്ചാം മന്ത്രിസ്ഥാനം നല്‍കിയതിനെത്തുടര്‍ന്ന് കോണ്‍ഗ്രസില്‍ വന്‍‌പൊട്ടിത്തെറിയാണ് സംഭവിച്ചികൊണ്ടിരിക്കുന്നത്. ലീഗിന് അഞ്ചം മന്ത്രിസ്ഥാനം നല്‍കിയതിനേത്തുടര്‍ന്ന് എന്‍ എസ് എസിനുണ്ടായ അനിഷ്ടം ഒഴിവാക്കാന്‍ നടത്തിയ വകുപ്പ് മാറ്റമാണ് കോണ്‍ഗ്രസില്‍ പൊട്ടിത്തെറിക്ക് കാരണമായത്.
കെ പി സി സി പ്രസിഡന്റിനോട് ആലോചിക്കാതെയാണ് ഉമ്മന്‍‌ചാണ്ടി മന്ത്രിമാരുടെ വകുപ്പ് മാറ്റം നടത്തിയത്. ഇതില്‍ തെറ്റില്ലെന്ന് വയലാര്‍ രവി നേരത്തെ പറഞ്ഞെങ്കിലും പിന്നീട് തിരുത്തുകയായിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല