ജി.സി.എസ്.ഇ. പരീക്ഷയില്‍ പത്ത് എ-സ്റ്റാര്‍ ഉള്‍പ്പെടെ ഉന്നത വിജയം നേടിയ അനീറ്റ ടോമിക്ക് മാഞ്ചസ്റ്റര്‍ വിഥിന്‍ ഷോ സെന്റ് പോള്‍സ് സ്‌കൂള്‍ ബെസ്റ്റ് റിസള്‍ട്ട് സ്‌പെഷ്യല്‍ അവാര്ഡ് നല്കി. സെന്റ് പോള്‍സ് സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ ഗ്രയിറ്റര്‍ മാഞ്ചസ്റ്റര്‍ ചലഞ്ച് ജാനറ്റ് വുഡ്‌സ് മുഖ്യ അതിഥി ആയിരുന്നു. ഹെഡ് ടീച്ചര്‍ വിക്ടര്‍ ഡാരന്‍ പ്രസംഗിച്ചു. ജാനറ്റ് വുഡ്‌സ് ബെസ്റ്റ് റിസള്‍ട്ട് സ്‌പെഷ്യല്‍ അവാര്‍ഡും, ലാപ്‌ടോപ്പും അനീറ്റയ്ക്ക് കൈമാറി.
പഠനത്തിലും പാഠ്യേതര വിഷയങ്ങളിലും ഏറെ മികവ് പുലര്‍ത്തുന്ന അനീറ്റ ടോമിയെ മാഞ്ചസ്റ്റര്‍ മലയാളികള്‍ച്ചറല്‍ അസോസിയേഷന്‍, കേരളാ കാത്തിലക് അസോസിയേഷന്‍ ഓഫ് മാഞ്ചസ്റ്റര്‍ തുടങ്ങിയവ നേരത്തെ ആദരിച്ചിരുന്നു. ടോമി ജോസഫിന്റെയും, അസീസാ ടോമിയുടെയും മൂന്ന് മക്കളില്‍ മൂത്തയാളാണ് അനീറ്റ. എറണാകുളകാരില്‍ തേനായന്‍ കുടുംബാംഗമാണ് ടോമി. ഇപ്പോള്‍ ജോണ്‍ ലൂയിസിലും അസിസാ വിഥിന്‍ ഷോ എന്‍.എച്ച്.എസ്. ഹോസ്പിറ്റല്‍ സ്റ്റാഫ് നഴ്‌സായും ജോലി ചെയ്യുന്നു. ആന്‍, അനീഷ് തുടങ്ങിയവര്‍ സഹോരങ്ങളാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല