നിഷ ജോസ്
ലിവര്‍പൂള്‍ : ലിവര്‍പൂളിലെ പ്രഥമ മലയാളി അസോസിയേഷനായ ലിമയുടെ 12 മത് പൊന്നോണക്കാഴ്ച ഓണത്തപ്പാ കുടവയറാ.. സെപ്റ്റംബര്‍ 1 ശനിയാഴ്ച നോസ്‌ലി ലീഷര്‍ സെന്ററില്‍ വച്ച് നടത്തപ്പെടും. ഓണാഘോഷങ്ങളുടെ ഭാഗമായി അത്തപ്പൂക്കളം, വിഭവസമൃദ്ധമായ ഓഓണസദ്യ, ചേതോഹരങ്ങളായ നൃത്തനൃത്യങ്ങള്‍, മാവേലിമന്നന് വരവേല്‍പ്പ്, ലിവര്‍പൂള്‍ കോക്കനട്ട് ക്രൂസ് ഒരുക്കുന്ന കോക്കനട്ട് ഷോ, ശിങ്കാരിമേളം, പ്രശസ്ത കലാകാരന്‍മാര്‍ അണിയിച്ചൊരുക്കുന്ന കോമഡി സ്‌കിറ്റ്, ഇമ്പമേറുന്ന ഗാനശകലങ്ങള്‍, എന്നിവയുള്‍പ്പടെ ഒരു വമ്പന്‍ കലാവിരുന്നാണ് ലിമ ഒരുക്കിയിരിക്കുന്നത്.
ഓണാഘോഷങ്ങള്‍ക്ക് മേമ്പൊടി പകരാനായി ലിവര്‍പൂളിന്റെ നിറവസന്തമായ പ്രശസ്ത കലാകാരന്‍ ജോയി അഗസ്തി എഴുതി അവതരിപ്പിക്കുന്ന ചാക്യാര്‍കൂത്ത്- മാവേലി നാട് തികച്ചും വ്യത്യസ്തമായ ഒരു പൊന്നോണം തന്നെ ലിവര്‍പൂളിന് സമ്മാനിക്കും. ലിമയുടെ ഓണാഘോഷ പരിപാടികളിലേക്ക് എല്ലാവരെയും സഹര്‍ഷം സ്വാഗതം ചെയ്യുന്നു. നോസ്‌ലി ലിഷര്‍ പാര്‍ക്കില്‍ കാണികള്‍ക്കായി സൗജന്യ പാര്‍ക്കിംഗ് സൗകര്യം സംവിധാനമുള്‍പ്പെടെ അതിവിപുലമായ സൗകര്യങ്ങളാണ് സംഘാടകര്‍ ഒരുക്കിയിരിക്കുന്നത്.
കൂടുതല്‍ വിവരങ്ങള്‍ക്ക് കോര്‍ഡിനേറ്റര്‍മാരുമായി ബന്ധപ്പെടുക.
ജോയ് അഗസ്തി- 07979188391, ജിനോയ് തോമസ്- 07985118737, സോജന്‍ തോമസ്- 07736352874, ബോണിയോ സെബാസ്റ്റിയന്‍- 01512619927, മെലീസ ഇമ്മാനുവല്‍- 07737131024
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല