സക്കറിയ പുത്തന്‍കുളം
പതിനൊന്നാമത് യുകെ ക്‌നാനായ കാത്തലിക്ക് അസോസിയേഷന്റെ വാര്‍ഷിക സമ്മേളനം അടുക്കുംതോറും ഓരോ യൂണിറ്റുകളും വീറും വാശിയുമായി ഒരുക്കങ്ങള്‍ നടത്തുന്നു. ഇപ്പോള്‍ ഏവും വലിയ ചര്‍ച്ചാ വിഷയം മാഞ്ചസ്റ്റര്‍ യൂണിറ്റ് റാലിക്ക് നേടിയ ഹാട്രിക്ക് കിരീടം നേടുമോ എന്നതാണ് . കഴിഞ്ഞ രണ്ടു വര്‍ഷവും ഒന്നാം സ്ഥാനം നേടിയ മാഞ്ചസ്റ്റര്‍ എന്ത് വിലകൊടുത്തും ഹാട്രിക് നേടുമെന്ന വാശിയിലാണ്. ഇതിനു വേണ്ടുന്നതായ ഒരുക്കങ്ങളെല്ലാം രഹസ്യമായി നടക്കുന്നു.
എന്നാല്‍ മാഞ്ചസ്റ്ററിന്റെ ഹാട്രിക് സ്വപ്‌നം തകര്‍ക്കുമെന്ന് വിവിധ യൂണിറ്റുകള്‍ പരോക്ഷമായി സൂചനകള്‍ നല്‍കുന്നു. മാഞ്ചസ്റ്ററില്‍ നിന്നും ട്രോഫി തട്ടിതെറിപ്പിക്കുമെന്നു പറയുന്ന കവന്‍ട്രി ആന്റ് വാര്‍വിക്ക് ഷെയര്‍ യൂണിറ്റ് കൂടുതല്‍ ഒരുക്കങ്ങള്‍ നടത്തുന്നതായി റിപ്പോര്‍ട്ടകള്‍ സൂചിപ്പിക്കുന്നു. കണ്‍വെന്‍ഷന്‍ റാലിയില്‍ മുന്‍ വര്‍ഷങ്ങളിലെ ജേതാക്കളായ ബര്‍മിംഗ്ഹാം യൂണിറ്റിന്റെ റാലി ഒരുക്കങ്ങള്‍ അതീവ രഹസ്യമായി നടന്നു വരുന്നു. കഴിഞ്ഞ രണ്ടു വര്‍ഷവും നഷ്ടപ്പെട്ടുപോയ ഒന്നാം സ്ഥാനം തിരിച്ചുപിടിക്കുന്നതിനുള്ള ബര്‍മിംഗ്ഹാം യൂണിറ്റിന്റെ ശ്രമങ്ങള്‍ക്ക് ഭീഷണിയായിട്ടുള്ള മറ്റൊരു യൂണിറ്റാണ് കാര്‍ഡിഫ് ആന്റ് ന്യൂപോര്‍ട്ട്. ചിട്ടയായ പ്രവര്‍ത്തനത്തിലൂടെ ട്രോഫി കരസ്ഥമാക്കുവാന്‍ കാര്‍ഡിഫ് ആന്റ് ന്യൂപോര്‍ട്ട് ശ്രമിക്കുമ്പോള്‍ന്യൂകാസില്‍, ലിവര്പൂള്‍ യൂണിറ്റുകള്‍ ശക്തമായ തിരിച്ചുവരവിന് ശ്രമിക്കുകയാണ്. ഈസ്റ്റ് ആംഗ്ലിയ ലെസ്റ്റര്‍, നോര്‍ത്തേണ്‍ അര്‍ലന്റ് എന്നീ യൂണിറ്റുകള്‍ തങ്ങളുടെ ശക്തി പ്രകടനം കാണിക്കുവാന്‍ ഒരുങ്ങുമ്പോള്‍ റാലി മത്സരം കടുത്തതാകുമെന്ന് ഉറപ്പായി.
കഴിഞ്ഞ വര്‍ഷത്തെ റാലിയുടെ വീഡിയോ ചുവടെ കൊടുക്കുന്നു
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല