സഖറിയ പുത്തന്‍കുളം
പതിനൊന്നാമത് യു. കെ. കെ. സി. എ കണ്‍വന്‍ഷനോടു അനുബന്ധിച്ച് നിരാലംബര്‍ക്ക് സഹായ ഹസ്തവുമായി യു. കെ. കെ. സി. എ-യുടെ ചാരിറ്റബിള്‍ റാഫിള്‍. യുവജന സംഘടനയായ കെ. സി. വൈ. എല്‍-ന്‍റെ സഹായത്തോടെ ഒരു പൌണ്ടിന് ഒരു റാഫിള്‍ എന്ന രീതിയില്‍ ധന സമാഹരണം നടത്തി ലഭ്യമാകുന്ന മുഴുവന്‍ തുകയും ജീവകാരുണ്യ പ്രവര്‍ത്തനത്തിനായി വിനിയോഗിക്കും.
ഇത്രയും ബൃഹത്തായ രീതിയില്‍ ജീവകാരുണ്യ റാഫിള്‍ ടിക്കറ്റിന് അംഗങ്ങള്‍ക്കിടയില്‍ നിന്നും മികച്ച പ്രതികരണമാണ് ലഭിക്കുന്നത്. ചാരിറ്റി റാഫിള്‍ തിരഞ്ഞെടുപ്പില്‍ ലാപ്ടോപ്, വൈ ഗെയിം, ഡിജിറ്റല്‍ ക്യാമറ, മള്‍ട്ടി മീഡിയ പ്ലെയര് എന്നിവയാണ് സമ്മാനനങ്ങള്‍. കണ്‍വന്‍ഷനു ഇനി ഒരാഴ്ച്ച മാത്രം ബാക്കി നില്‍ക്കെ പ്രാഥമിക രജിസ്ട്രേഷന്‍ പൂര്‍ത്തിയായി. പ്രവേശന പാസ് ഇനിയും ലഭ്യമാകാത്തവര്‍ക്ക് യൂണിറ്റ് ഭാരവാഹികളെ ബന്ധപ്പെടുകയോ, അല്ലെങ്കില്‍ കണ്‍വന്‍ഷന്‍ ദിവസം പ്രവേശന കവാടത്തില്‍ ലഭ്യമാകുന്നതാണ്.
ബ്രൌണ്‍ ഗെയ്റ്റ് വഴിയാണ് കണ്‍വന്‍ഷന്‍ വേദിയിലേക്ക് പ്രവേശനം. സ്വാഗത നൃത്ത ശില്‍പത്തിന്‍റെ പരിശീലനം നാളെ ബര്‍മിങ്ഹാമില്‍ നടക്കും. റാലിക്ക് വേണ്ടതായ എല്ലാ സജ്ജീകരണങ്ങളും പൂര്‍ത്തിയായി. കണ്‍വന്‍ഷനു ഏഴു ദിനങ്ങള്‍ കൂടി ബാക്കി നില്‍ക്കെ ക്നാനായ സമുദായാംഗങ്ങളുടെ ആവേശം സിരകളില്‍ കത്തി പടര്‍ന്ന് കഴിഞ്ഞു.
എത്രയും പെട്ടണ്ജ് ജൂണ്‍ 30 ആകാന്‍ പ്രാര്‍ഥിക്കുന്ന ക്നാനായ സമുദായാംഗങ്ങള്‍ തങ്ങളുടെ ഒത്തൊരുമയുടെയും, കൂട്ടായ പ്രവര്‍ത്തനത്തിന്‍റെയും അവിസ്മരണീയമായ മുഹൂര്‍ത്തങ്ങള്‍ക്ക് സാക്ഷ്യം വഹിക്കുമ്പോള്‍ പുരാതന പാട്ടുകളാലും, നടവിളികളാലും മാല്‍വന്‍ ഹില്‍സ് കുളിരണിയും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല