കോടഞ്ചേരിയില്‍ നിന്നും യുകെയിലേക്ക് കുടിയേറിയവരുടെ നേതൃത്വത്തില്‍ അഞ്ചാമത് കോടഞ്ചേരി സംഗമം നടത്തി. ജൂണ്‍ 22 മുതല്‍ 24 വരെ സ്റ്റാഫോര്‍ഡ്ഷയറിലെ സ്മോള്‍വുഡ് മാനറില്‍ വച്ചായിരുന്നു പരിപാടി. അനില്‍ ഫിലിപ് അധ്യക്ഷത വഹിച്ച യോഗത്തില്‍ റവ. ഫാ. ലൂക്ക് മറപ്പിളളില്‍ ഉദ്ഘാടനം നിര്‍വഹിച്ചു.
ജുണ്‍ 22 വെളളിയാഴ്ച വൈകിട്ട് ഏഴുമുതല്‍ റജിസ്ട്രേഷന്‍ ആരംഭിച്ചു. ശനിയാഴ്ച രാവിലെ കുര്‍ബാനയോടെ പരിപാടികള്‍ ആരംഭിച്ചു. തുടര്‍ന്ന് ഗ്രൌണ്ടില്‍ കുട്ടികള്‍ക്കും മുതിര്‍ന്നവര്‍ക്കുമായി വിവിധ കായിക മല്‍സരങ്ങള്‍ അരങ്ങേറി. സ്പോര്‍ട്സ് കമ്മിറ്റി കോ ഓര്‍ഡിനേറ്റര്‍മാരായ ബേബി പൊറ്റയില്‍, ജോണ്‍സണ്‍ തോമസ്, ബിനോയ് മാക്കോലില്‍, തോമസ് ചൂരപ്പൊയ്കയില്‍ എന്നിവര്‍ മല്‍സരങ്ങള്‍ക്ക് നേതൃത്വം നല്കി. ട്വന്റി 20 ക്രിക്കറ്റ്, വടംവലി, അത്ലറ്റിക്സ്, ഫുട്ബോള്‍ എന്നിവയും നീന്തലും നിരവധി ഇന്‍ഡോര്‍ മല്‍സരങ്ങളുമുണ്ടായിരുന്നു. തുടര്‍ന്ന് കുട്ടികളുടെ വിവിധ കലാപരിപാടികളും കൊച്ചിന്‍ വോയ്സിന്റെ ഗാനമേളയും അരങ്ങേറി.
ഞായറാഴ്ച രാവിലെ കുര്‍ബാനയോടെ പരിപാടികള്‍ക്ക് തുടക്കമായി. തുടര്‍ന്ന് റാഫിള്‍ ടിക്കറ്റുകളുടെ സമ്മാന വിതരണവും നടന്നു. ജോയ് ഏബ്രഹാം (ഒന്നാം സമ്മാനം), അനില്‍ ഫിലിപ്(രണ്ടാം സമ്മാനം), സജി വട്ടമറ്റം (മൂന്നാം സമ്മാനം) എന്നിവര്‍ വിജയികളായി.
ബേബി പൊറ്റയിലിന്റെ നന്ദി പ്രകാശനത്തോടെ പരിപാടികള്‍ സമാപിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല