കല്ലമ്പലം ബിജു
പുതുതായി ചുമതലയേറ്റ ഒഐസിസി യുകെ നാഷണല്‍ കമ്മിറ്റി ഭാരവാഹികള്‍ക്ക് മിച്ചാമില്‍ കോണ്‍ഗ്രസ് പ്രവര്‍ത്തകരും അനുഭാവികളും ചേര്‍ന്ന് ഊഷ്മളസ്വീകരണം നല്കി. ഇതോടൊപ്പം സംഘടനയുടെ മിച്ചാംകൗണ്‍സില്‍ കമ്മിറ്റിയും നിലവില്‍വന്നു. മിച്ചാം മഹേഷിന്റെ അധ്യക്ഷതയില്‍ ചേര്‍ന്ന യോഗത്തില്‍ ടി.ഹരിദാസ് പ്രവര്‍ത്തകരെ അഭിസംബോധന ചെയ്തു.
ഒഐസിസിയുടെ പ്രവര്‍ത്തനം ശക്തിപ്പെടുത്തുന്നതിലൂടെ പ്രവാസി ഇന്ത്യാക്കാരുടെ പ്രശ്‌നങ്ങള്‍ അധികാരികളുടെ മുന്നിലെത്തിക്കാന്‍ കഴിയുമെന്ന് അദ്ദേഹം പറഞ്ഞു. ഒഐസിസിയുടെ ഭാവിപരിപാടികളെക്കുറിച്ചും അദ്ദേഹം വിശദീകരിച്ചു. കെ.പി.സി.സി ജനറല്‍ സെക്രട്ടറി മാന്നാര്‍ അബ്ദുള്‍ ലത്തീഫ് ഫോണിലൂടെയാണ് കേരളത്തില്‍നിന്ന് പരിപാടിയുടെ ഉദ്ഘാടനം നിര്‍വഹിച്ചു.
സംഘടനയുടെ യുകെയിലെ തുടര്‍പ്രവര്‍ത്തനങ്ങളെക്കുറിച്ച് യോഗത്തില്‍ കെ.കെ.മോഹന്‍ദാസ് വിശദീകരിച്ചു. ബിജു കോശി, ജോയ്‌സി, ബേബിക്കുട്ടി ജോര്‍ജ്, സുലൈമാന്‍ എന്നിവര്‍ ആശംസകള്‍ നേര്‍ന്നു.മിച്ചാംകൗണ്‍സില്‍ രൂപീകരണയോഗത്തില്‍ കല്ലമ്പലം ബിജു സ്വാഗതവും സുനില്‍ദത്ത് നന്ദിയും പറഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല