ജോമോന്‍ പുന്നൂസ്‌
ബര്‍മിംഗ്ഹാം സെന്റ് സൈമണ്‍സ് ക്‌നാനായ സിറിയന്‍ ഇടവകയുടെ നേതൃത്വത്തില്‍ നടത്തപ്പെടുന്ന നാലാമത് യൂറോപ്യന്‍ ക്‌നാനായ സംഗമം വിജയകരമാക്കുവാന്‍ ഇടവകയിലെ തെരഞ്ഞെടുക്കപ്പെട്ട വിപുലമായ കമ്മറ്റിയുടെ നേതൃത്വത്തില്‍ പ്രവര്‍ത്തനങ്ങള്‍ പുരോഗമിക്കുന്നു. സെപ്തംബര്‍ 15 ശനിയാഴ്ച കവന്‍ട്രിയിലാണ് സംഗമം.
യൂറോപ്പിലെ വിവിധ ഇടവകകളില്‍ നിന്നും കലാപരിപാടികള്‍ അവതരിപ്പിക്കുവാന്‍ തക്കവണ്ണം പരിശീലനം ആരംഭിച്ചുകഴിഞ്ഞു. 15ന് വി.കുര്‍ബാനയെ തുടര്‍ന്ന് പ്രൊസഷന്‍, പൊതു സമ്മേളനം, കലാപരിപാടികള്‍, സന്ധ്യാനമസ്‌കാരം, ആശിര്‍വാദം ഈ രീതിയിലാണ് പരിപാടികള്‍ ക്രമീകരിച്ചിരിക്കുന്നത്. വളരെ വ്യത്യസ്തതയോടും പുതുമയോടും പ്രോഗ്രാം നടത്തുന്നതിനായി ഭാരവാഹികള്‍ ഊര്‍ജ്ജസ്വലതയോടെ പ്രവര്‍ത്തിക്കുന്നു.
കൂടുതല്‍ വിവരങ്ങള്‍ക്ക്,
ഷിനു പൊന്നൂസ്- 07737089128
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല