സുജു ദാനിയേല്‍
വാട്‌ഫോര്‍ഡ് : വാട്‌ഫോര്‍ഡ് ബാറ്റ്മിന്റണ്‍ ക്ലബിന്റെ ആഭിമുഖ്യത്തില്‍ നടത്തിയ ബാറ്റ്മിന്റണ്‍ ടൂര്‍ണമെന്റ് ഗംഭീരമായി . വാട്‌ഫോര്‍ഡ് സ്‌പോര്‍ട്‌സ് സെന്ററില്‍ നടന്ന മത്സരങ്ങളില്‍ പ്രമുഖരായ 8 ടീമുകള്‍ പങ്കെടുത്തു. വളരെയധികം ആവേശകരമായ ഫൈനല്‍ മത്സരത്തില്‍ , ഇഞ്ചോട് ഇഞ്ചു പോരാടി റിജോണ്‍ ആന്റ് റോയ് ടീം വിജയകളായി. കണ്ണന്‍ ആന്റ് സോബറി ടീം റണ്ണര്‍ അപ് ആയി.
വിജയികള്‍ക്ക് ക്ലബ് പ്രസിഡന്റ് എസ്. പി. മത്തായി ട്രോഫി, ക്യാഷ് അവാര്‍ഡ്, മെഡല്‍ എന്നിവ സമ്മാനിച്ചു. റണ്ണര്‍ അപ് ടീമിന് ജോണ്‍സണ്‍ തോമസ്, ട്രോഫി ക്യാഷ് അവാര്‍ഡ്, മെഡല്‍ എന്നിവ നല്‍കി. വിജയികളെ അനുമോദിച്ചു കൊണ്ട് സുനില്‍ വാര്യര്‍ പ്രസംഗിച്ചു.
യോഗത്തില്‍ ക്ലബിന്റെ മുന്നോട്ടുള്ള പ്രവര്‍ത്തനത്തിന് എല്ലാ അംഗങ്ങളുടെയും പിന്തുണ അഭ്യര്‍ഥിച്ചു കൊണ്ട് ക്ലബ് പ്രസിഡന്റ് എസ്. പി. മത്തായി പ്രസംഗിച്ചു. മത്സരങ്ങള്‍ നിയന്ത്രിച്ച സിബി ജോണിന്റെ മികവുറ്റതും കൃത്യതയാര്‍ന്നതുമായ അമ്പയറിംഗ് എല്ലാവരുടെയും പ്രശസ പിടിച്ചു പറ്റി. യോഗത്തില്‍ സിബി തോമസ് സ്വാഗതവും സുനിരാജ് കൃതജ്ഞതയും പറഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല