ജോയല്‍ ചെറുപ്ലാക്കില്‍
ഗില്‍ഫോര്‍ഡ്: ലണ്ടന്‍ 2012 ഒളിംമ്പിക്‌സിനോടനുബന്ധിച്ച് ഇന്ന് (20-07-2012) ഗില്‍ഫോര്‍ഡില്‍ എത്തിച്ചേരുന്ന ദീപശിഖാ പ്രയാണത്തിന് മലയാളി സമൂഹം ആവേശോജ്വലമായ വരവേല്‍പ്പ് നല്‍കും. വൈകിട്ട് 6ന് സറേ യൂണിവേഴ്‌സിറ്റിക്ക് സമീപം ഗില്‍ഫോര്‍ഡ് കത്തീഡ്രല്‍ ദേവാലയത്തിനു മുന്നിലുളള റോഡില്‍ എത്തിച്ചേരുന്ന ദീപശിഖാ പ്രയാണത്തെ വോക്കിംഗ് മലയാളി അസോസിയേഷന്റെ നേത്വത്തില്‍ പ്രത്യേക ക്രമീകരണങ്ങളോടെയാണ് മലയാളി സമൂഹം എതിരേല്‍ക്കുന്നത്.
ദീപശിഖാ പ്രയാണം ലണ്ടനില്‍ എത്തിച്ചേരുന്നതിന് മുന്‍പുള്ള പ്രധാന സ്ഥലമെന്ന നിലയില്‍ ഗില്‍ഫോര്‍ഡിലെ സ്വീകരണം അവിസ്മരണീയമാക്കുവാനുള്ള ലക്ഷ്യത്തോടെ അതിവിപുലമായ തയാറെടുപ്പുകളാണ് സറേ കൗണ്ടി കൗണ്‍സിലും ഗില്‍ഫോര്‍ഡ് ബൊറോ കൗണ്‍സിലും സംയുക്തമായി ചേര്‍ന്നൊരുക്കിയിരിക്കുന്നത്.
വൈകിട്ട് 7ന് ഗില്‍ഫോര്‍ഡ് സ്‌റ്റോക്ക് പാര്‍ക്കില്‍ സംഘടിപ്പിച്ചിട്ടുള്ള വര്‍ണശബളിമയാര്‍ന്ന ആഘോഷപരിപാടിഷകളും കലാപ്രകടനങ്ങളും കാണുവാന്‍ പതിനായിരനങ്ങളാണ് എത്തിച്ചേരുന്നത്. ഈ ചരിത്ര നിമിഷത്തിന് സാക്ഷ്യം വഹിക്കാന്‍ സമീപപ്രദേങ്ങളിലെ മലയാളികള്‍ വൈകിട്ട് ഗില്‍ഫോര്‍ഡ് കത്തീഡ്രല്‍ ദേവാലയത്തിന് സമീപം (GU2 7UP) എത്തിച്ചേരണമെന്ന് വോക്കിംഗ് മലയാളി അസോസിയേഷന്‍ പ്രസിഡന്റ് സന്തോഷ്‌കുമാര്‍ അറിയിച്ചു. കൂടുതല്‍ വിവരങ്ങള്‍ക്ക്: സന്തോഷ് കുമാര്‍ഃ 07833182018. സി.എ.ജോസഫ്ഃ 07846747602.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല