കേംബ്രിഡ്ജ് കേരള കള്ച്ചറല് അസോസിയേഷന്റെ സ്വാതന്ത്യ ദിനാഘോഷവും ബിബിക്യു പാര്ട്ടിയും സംയുക്തമായി ഓഗസ്റ് 18ന് നടത്തുമെന്ന് ഭാരവാഹികള് അറിയിച്ചു. ചെറിഹിന്ഡന് പാര്ക്കിലാകും ആഘോഷങ്ങള് നടക്കുക. കുട്ടികള്ക്കും മുതിര്ന്നവര്ക്കും ഉല്ലാസപ്രദമാകുന്ന വിവിധ പരിപാടികളും വിവിധ കായിക മത്സരങ്ങളും ബിബിക്യു പാര്ട്ടിയോട് അനുബന്ധിച്ച് നടത്തപ്പെടുന്നതായിരിക്കും.
അസോസിയേഷന്റെ ഈ വര്ഷത്തെ ഓണാഘോഷം സെപ്റ്റംബര് ഒന്നാം തീയതി നടക്കുമെന്നു ഭാരവാഹികള് അറിയിച്ചു. ആഘോഷങ്ങള്ക്ക് ക്യൂന് എഡിത്ത് കമ്മ്യൂണിറ്റി പ്രെെമറി സ്കൂള് വേദിയാകും. ഓണാഘോഷത്തോട് അനുബന്ധിച്ച് വിപുലമായ കലാപരിപാടികളാണ് ആസൂത്രണം ചെയ്യ്തിരിക്കുന്നതെന്ന് ഭാരവാഹികള് അറിയിച്ചു. ഓണ സദ്യ, തിരുവാതിര കളി, പരിചമുട്ട് കളി, തുമ്പി തുള്ളല് അതുപോലെ മറ്റ് അനേകം നാടന് കലാപരിപാടികളും ആഘോഷങ്ങള്ക്കു കൊഴുപ്പേകാന് അണിയറയില് ഒരുങ്ങുന്നുണ്ട്.
കൂടുതല് വിവരങ്ങള്ക്ക് കേംബ്രിഡ്ജ് കേരള കള്ച്ചറല് അസ്സോസിയേഷന് പ്രസിഡന്റ് ജോജോ ചെറിയാന്, സെക്രട്ടറി ജോസഫ് ചാക്കോ എന്നിവരുമായി ബന്ധപ്പെടുക.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല