പോര്‍ട്ട്‌സ്മൗത്ത് : കനത്ത മഴ കാരണം മാറ്റിവെയ്ക്കപ്പെട്ട പോര്‍ട്ട്‌സ്മൗത്ത് മലയാളി അസോസിയേഷന്റെ ആഭിമുഖ്യത്തിലുളള ഓള്‍ യുകെ ട്വന്റി-20 ക്രിക്കറ്റ് ടൂര്‍ണമെന്റ് ഓഗസ്റ്റ് 19 ന് പോര്‍ട്ട്‌സ്മൗത്ത് ഫാര്‍ലിണടണ്‍ ക്രിക്കറ്റ് ഗ്രൗണ്ടില്‍ വച്ച് നടക്കും.
ആദ്യം രജിസ്റ്റര്‍ ചെയ്ത എട്ടു ടീമുകളില്‍ നിന്ന് രണ്ട് ടീമുകള്‍ മത്സരം മാറ്റിവച്ചതിലുളള അസൗകര്യം മൂലം മത്സരത്തില്‍ പങ്കെടുക്കാന്‍ കഴിയില്ലെന്ന് സംഘാടകരെ അറിയിച്ചിട്ടുണ്ട്. അതുകൊണ്ട് രണ്ട് ടീമുകള്‍ക്ക് കൂടി മത്സരത്തില്‍ പങ്കെടുക്കാനുളള അവസരമുണ്ട്. ഒന്നും രണ്ടും സ്ഥാനങ്ങള്‍ കരസ്ഥമാക്കുന്നവര്‍ക്ക് ക്യാഷ് പ്രൈസും ട്രോഫിയും നല്‍കും. ടൂര്‍ണമെന്റില്‍ പങ്കെടുക്കാന്‍ താല്‍പ്പര്യമുളള ടീമുകള്‍ സന്തോഷ് – 07825835149, ബൈജു കുര്യന്‍ – 07815313185 എന്നീ നമ്പരുകളില്‍ ബന്ധപ്പെടണം.
മാച്ച് നടക്കുന്ന സ്ഥലത്തിന്റെ വിലാസം – ഫാര്‍ലിന്‍ടണ്‍ ക്രിക്കറ്റ് പിച്ച്‌സ്, ഹില്‍ട്ടണ്‍ ഹോട്ടലിന് പിറകുവശം, ഈസ്റ്റേണ്‍ റോഡ്, പോര്‍ട്ട്‌സ്മൗത്ത്, ഹാംപ്‌ഷെയര്‍, PO6 1UN.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല